ពហុបក្ស-Multi-partism? ដោយ មេធាវី សុក សំអឿន
ពហុបក្ស មានន័យថា មានគណបក្សច្រើន។ អាចមានដំណាក់ការ នៃ ពហុភាពនេះច្រើនយ៉ាងដូចតទៅ៖
១. មានការអនុញ្ញាតិឲ្យមានការបង្កើតគណបក្សដោយមិនមានការត្បិតត្បៀតខ្លាំង។ ប្រការសំខាន់ គឺមានគណបក្សលើសពីមួយ តែមិនខ្វល់ថាជាគណបក្សដែលបង្កើតពិតប្រាកដ ឬ ឲ្យតែមានៗនោះទេ។
២. ពេលបោះឆ្នោត មានគណបក្សលើសពីមួយចូលរួម។ បើមិនមាននោះទេ ការបោះឆ្នោតមិនអាចប្រព្រឹត្តទៅបានឡើយ។
៣. ពេលបោះឆ្នោត មានគណបក្សលើសពីមួយចូលរួម ហើយសំខាន់គឺគ្មានការរារាំងដល់គណបក្សជំទាស។ ក្នុងន័យនេះ បើគ្មានការចួលរួមពីគណបក្សជំទាស់ទេ គេមិនចាត់ថាមានពហុបក្សនោះទេ។
៤. ត្រូវមានគណបក្សលើសពីមួយ មានអាសនៈនៅក្នុងសភា។ បើទោះជាមិនមានសម្លេងឆ្នោតគ្រប់ មួយសម្លេង ក៏គណបក្សទី២ ត្រូវតែមានអាសនៈយ៉ាងហោចមួយដែរ។
៥. សំខាន់គឺរាល់ការសម្រេចអ្វីមួយរបស់សភា ត្រូវមានគណបក្សយ៉ាងហោច២ ចូលរួមប្រជុំ។ មានន័យថា បើគណបក្សផ្សេងពហិការ របៀបវារៈនោះ មិនអាចលើកយកមកពិភាក្សារ និង សំរេចបានឡើយ។ ពហុភាព បែបនេះ គេហៅថា ពហុភាពពេញលេញ។
ដោយ មេធាវី សុក សំអឿន Attorney SOK Sam Oeun
No comments:
Post a Comment