តើអ្នកកំពុងប្រកាន់គោលការណ៍ណាមួយ? ដោយ មេធាវី សុក សំអឿន
រដ្ឋធម្មនុញ្ញកម្ពុជាបានធានានូវសិទ្ធិ និង សេរីភាពជាច្រើន ឲ្យប្រជាពលរដ្ឋ និង មនុស្សគ្រប់រូបដែលមានវត្តមាននៅលើទឹកដីរាជាណាចក្រកម្ពុជា។ ការធានាទាំងនេះ បានក្លាយជាកាតព្វកិច្ចដល់រដ្ឋាភិបាលកម្ពុជា ក្នុងការការពារនូវសិទ្ធិសេរីភាពទាំងនោះ។
ដើម្បីការពារសិទ្ធិសេរីភាពទាំងនោះរបស់ប្រជាពលរដ្ឋ រដ្ឋត្រូវធ្វើច្បាប់ដាក់ទណ្ឌកម្មអ្នកដែលបំពានសិទ្ធិ សេរីភាពអ្នកដទៃ។ ដើម្បីដាក់ទណ្ឌកម្មអ្នកប្រព្រឹត្តល្មើសនឹងច្បាប់ ច្បាប់ត្រូវតែព្យួរសិទ្ធិសេរីភាពខ្លះរបស់ ជននោះ ដោយហេតុនេះហើយបានជាច្បាប់អនុញ្ញាតឲ្យមានការចាប់ខ្លួន ការឃាត់ខ្លួន ការឆែកឆេរទ្រព្យ សម្បត្តិឯកជនរបស់ប្រជាពលរដ្ឋ ចូលលំនៅឋានរបស់ប្រជាពលរដ្ឋ និង ចាប់យកទ្រព្យឯកជនរបស់ប្រជាពលរដ្ឋ ដែលជាប់សង្ស័យថាជាភស្តុតាង ឬ វត្ថុខុសច្បាប់។
ប៉ុន្តែការធ្វើច្បាប់ក្តី ការអនុវត្តច្បាប់ក្តី ត្រូវតែគោរពដល់សិទ្ធិសេរីភាពរបស់ប្រជាពលរដ្ឋជាសំខាន់ នោះទើបជារដ្ឋដែលគិតដល់សិទ្ធិសេរីភាពរបស់ប្រជាពលរដ្ឋជាធំ មិនត្រូវគ្រាន់តែធ្វើយ៉ាងណាឲ្យខ្លួន រួចពីការទទួលខុសត្រូវនោះទេ។
ក្នុងការចាប់ខ្លួន ឃុំខ្លួន ឬ ដាក់ទោស មនុស្សមានទោស មានគោលការណ៍ពីរដែលអ្នកអនុវត្ត និង ប្រតិបត្តិច្បាប់ត្រូវយកមកពិចារណា គឺ ទី១ សួវចាប់/ដាក់ទោសមនុស្សខុស ១០០ កុំឲ្យតែរួចល្មើសជនពិតម្នាក់ និង ទី២ សូវដោះលែងល្មើសជនពិត ១០០ កុំឲ្យតែដាក់ទោសមនុស្សស្លូតត្រង់គ្មានកំហុសម្នាក់! ។
តើអស់លោកដែលកំពុងអនុវត្ត និង ប្រតិបត្តិច្បាប់ កំពុងប្រើគោលការណ៍ទីប៉ុន្មាន? ៕
ប្រភព ៖ មេធាវី សុក សំអឿន Attorney SOK Sam Oeun
ឡិង្គទៅកាន់ ៖ ទិន្នន័យច្បាប់នៃព្រះរាជាណាចក្រកម្ពុជា
No comments:
Post a Comment