លោក តាំងសារ៉ាដា៖ យុវជនភ្នំពេញ មានសមត្ថភាព ចរិតអង់អាចក្លាហាន និងគំនិតជាតិនិយម ! ដោយខ្មែរ សុវណ្ណភូមិ
លោក តាំង សារ៉ាដា មានស្រុកកំណ់ើតនៅទីក្រុងភ្នំពេញ។ លោកជាកូនមន្រ្តីរាជការម្នាក់ មានជីវភាពមធ្យម។ លោកបានរៀនចប់បរិញ្ញាបត្រច្បាប់ពីសាកលវិទ្យានីតិសាស្រ្ត និងសេដ្ឋកិច្ច នៅក្រុងភ្នំពេញ។ សព្វថ្ងៃលោក តាំង សារ៉ាដា ជាបុគ្គលិកបម្រើការនៅវិទ្យុសំឡេងអាស៊ីសេរី។ លោក តាំង សារ៉ាដា បានចូលរួមសកម្មភាពចលនានិស្សិតដើម្បីលទ្ធិប្រជាធិបតេយ្យដែលជាចលនានិស្សិត និងយុវជនស្នេហាជាតិមួយនៅកម្ពុជា តាំងពីឆ្នាំ១៩៩៩មក ។
លោក តាំង សារ៉ាដា ត្រូវបានគេស្គាល់ថាជាមនុស្សសកម្មនឹងកិច្ចការប្រទេសជាតិ មានសេចក្តីអង់អាចក្លាហាន មោះមុត ពុះពាររាល់ឧបសគ្គ មិនចេះសូញសាញ មានចរិតមិនចំណុះអ្នកណាឡើយ មានចិត្តខ្លាំង ចូលចិត្តនិយាយត្រង់ៗ មិនលាក់លាមក្នុងចិត្ត។ ចំពោះការងារវិញ លោក តាំង សារ៉ាដា តែងធ្វើការងារដោយមានមូលដ្ឋានច្បាស់លាស់ និងឯកសារយោងត្រឹមត្រូវ។ លោក ជាមនុស្សហ៊ានអារកាត់រាល់កិច្ចការភ្លាមៗ និងហ៊ានទទួលខុសត្រូវចំពោះការងាររបស់ខ្លួន ។
លោក តាំង សារ៉ាដា ជាមនុស្សជាតិនិយម ស្រឡាញ់សិទ្ធិសេរីភាព យុត្តិធម៌ ចូលរួមកិច្ចការព្រំដែន និងបានតស៊ូក្នុងកិច្ចការប្រទេសជាតិជាយូរឆ្នាំមកហើយ ដើម្បីលទ្ធិប្រជាធិបតេយ្យ ការពារជាតិ និងបម្រើប្រជាពលរដ្ឋខ្មែរ ។ ថ្វីត្បិតលោកមានសិទ្ធិរស់នៅសហរដ្ឋអាមេរិកជាមួយក្រុមគ្រួសារ តែលោកនៅតែបន្តកិច្ចការងារប្រទេសជាតិដោយមិនដកថយឡើយ ។
ជាលក្ខណៈផ្ទាល់ខ្លួន លោក តាំង សារ៉ាដា និង ខ្មែរ សុវណ្ណភូមិ ជាមិត្តរួមការងារ និងជាបងប្អូនដែលត្រូវរួមគ្នាធ្វើការងារដើម្បីប្រទេសជាតិបន្តទៅមុខទៀតរហូតបានជោគជ័យ ៕
អត្ថបទដោយ ៖ ខ្មែរ សុវណ្ណភូមិ
No comments:
Post a Comment