យុទ្ធវាទី យុទ្ធវាទសិល្ប៍ ចាន់ពៅរ៉ូហ៊្សេត ស្ត្រីខ្លឹមចៅសង្កាត់អូរចារ ប្រើយុទ្ធវោហារប្រហារឈាង វុន ងើបមុខមិនរួច !!

យុទ្ធវាទី យុទ្ធវាទសិល្ប៍ ចាន់ពៅរ៉ូហ៊្សេត ស្ត្រីខ្លឹមចៅសង្កាត់អូរចារ ប្រើយុទ្ធវោហារប្រហារឈាង វុន ងើបមុខមិនរួច !!

ក្រោយពីឯកអគ្គរដ្ឋទូតនៃប្រទេសសហរដ្ឋអាមេរិក បានមកលើកទឹកចិត្ត និងផ្ដល់កម្លាំងចិត្ត ព្រមទាំងសំណេះសំណាល និងស្តាប់អំពីការងារប្រឈមមុខរបស់វីរកញ្ញាស៊ិន ចាន់ពៅរ៉ូហ៊្សេត ស្ត្រីខ្លឹមចៅសង្កាត់អូរចារ មក ភ្លាមៗនោះ លោកឈាង វុន ក៏បានសរសេរសារលើទំព័រហ្វេសប៊ុករបស់លោក ថា "អូរចារត្រូវខ្ញុំបុកធ្លាយដល់ស្ថានទូតអាមេរិកហើយ។ ទូតអាមេរិកភ័យឆោឡោមកលើក ទឹកចិត្ត(លេស)ចៅសង្កាត់ក្រមុំ Rozeth ដល់ផ្ទះ។ មកលើកទឹកចិត្ត ឫ, មកពន្យល់ណែនាំឫ, មកផ្តល់ហិរញ្ញវត្ថុ ?? សំនួរគ្មានចម្លើយថ្ងៃនេះតែ .....នៅថ្ងៃក្រោយ។ អ្នកស្រឡាញ់សន្តិភាព សុំជួយស៊ែរនិងខំមិនផង" ។

វីរកញ្ញាស៊ិន ចាន់ពៅរ៉ូហ៊្សេត ស្ត្រីខ្លឹមចៅសង្កាត់អូរចារ ក៏បានសរសេរសារឆ្លើយតបទៅនឹងលោក ឈាង វុន នៅលើទំព័រហ្វេសប៊ុករបស់កញ្ញា ដោយកញ្ញាបានសរសេរសារឆ្លើយតបបែបយុទ្ធវោហារប្រហារលោក ឈាង វុន យ៉ាងបញ្ញវន្តីឧត្តមបញ្ញា ស្នេហាសន្តិ ស្រឡាញ់ការអភិវឌ្ឍន៍ ស្មោះត្រង់ប្រយោជន៍ជាតិប្រជា មិនប្រើហិង្សា ប្រើតែយុទ្ធវោហារប្រហារ ក៏ប្រហារឈាង វុន ងើបមុខមិនរួច ! ។

សារឆ្លើយតបបែបយុទ្ធវោហាររបស់វីរកញ្ញាស៊ិន ចាន់ពៅរ៉ូហ៊្សេត ស្ត្រីខ្លឹមចៅសង្កាត់អូរចារ មានដូចតទៅ ៖

ខ្ញុំក្មេងមិនទាន់ចាស់ តែបើខ្ញុំចាស់ទៅគឺពិតជាអោយតម្លៃក្មេង ហើយនិងគោរពមនុស្សចាស់..!

បើលោកអ៊ំសួរខ្លួនឯង ប្រាកដជាគ្មានចម្លើយទេ តែបើមានសំនួរចង់សួរក្មួយរ៉ូហ្ស៊េតក៏មិនមានចម្លើយដែរព្រោះក្មួយរវល់បំរើសេវារដ្ឋបាលជូនពលរដ្ឋអូរចារ ពីព្រោះតាំងពីពលរដ្ឋអូរចារ
បោះឆ្នោតអោយគណបក្សសង្គ្រោះជាតិហើយបានផ្តល់ឱកាសឲ្យក្មួយបានក្លាយជាចៅសង្កាត់អូរចារមក ពលរដ្ឋមកទទួលសេវារដ្ឋបាល នៅសាលាសង្កាត់ច្រើន ហើយក្មួយត្រូវបំរើពលរដ្ឋអោយបានល្អ មិនអោយលោកអ៊ំអស់សង្ឃឹមទេ ។

ហើយក្មួយសូមអរគុណលោកអ៊ំផងដែរ ពីព្រោះតាំងពីក្មួយជាប់ជាចៅសង្កាត់មក ធ្វើអោយលោកអ៊ុំពិបាកធ្វើដំណើរពីភ្នំពេញ មកអូរចារ រាល់ចុងសបា្តហ៍ ដើម្បីមកបង្រៀនអំពី "ជំនាញដាក់លូត្រូវតាមបច្ចេកទេស និង កុំអោយក្លាយជាក្មេងទំនើងក្នុងរដ្ឋបាលសាធារណៈ ។

តែលោកអ៊ំបានជួបអ៊ំស្រីនៅភូមិអញ្ជាញ កាលល្ងាចមិញនេះ (២/៩/២០១៧) គាត់បានផ្តល់ចម្លើយហើយ អាចអោយលោកអ៊ំកក់ក្តៅក្នុងចិត្ត ថាតាំងពីក្មួយជាប់មកបំរើពលរដ្ឋបានល្អ គឺមិនចាំបាច់រង់ចាំដល់ ៣០ឆ្នាំនោះទេ ៕