ឆ្លើយតបជាថ្មីម្តងទៀតដល់ការសាកល្បងកាំជ្រួចមីស៊ីលឆ្លងទ្វីបរបស់កូរ៉េខាងជើង សហរដ្ឋអាមេរិកបានបង្ហោះយន្តហោះទម្លាក់គ្រាប់បែកធុន B-1និងយន្តហោះចម្បាំងធុន F-35 លើឧបទ្វីបកូរ៉េ !!

ឆ្លើយតបជាថ្មីម្តងទៀតដល់ការសាកល្បងកាំជ្រួចមីស៊ីលឆ្លងទ្វីបរបស់កូរ៉េខាងជើង សហរដ្ឋអាមេរិកបានបង្ហោះយន្តហោះទម្លាក់គ្រាប់បែកធុន B-1និងយន្តហោះចម្បាំងធុន F-35 លើឧបទ្វីបកូរ៉េ !!

សហរដ្ឋអាមេរិកនិងសម្ព័ន្ធមិត្តរបស់ខ្លួន បានឆ្លើយតបជាថ្មីម្តងទៀតដល់ការសាកល្បងកាំជ្រួចមីស៊ីលរបស់កូរ៉េខាងជើង ក៏ប៉ុន្តែពេលនេះការឆ្លើយតបរួមមានសមយុទ្ធបាញ់គ្រាប់ពិតៗ។

យន្តហោះទម្លាក់គ្រាប់បែកប្រភេទ B-1 ២គ្រឿងមកពីមូលដ្ឋានទ័ពអាកាសនៅកោះ Guam រួមជាមួយយន្តហោះចំបាំងប្រភេទ F-35 ចំនួន៤គ្រឿងមកពីមូល ដ្ឋានទ័ពអាកាសក្នុងប្រទេសជប៉ុន បានចូលរួមសមយុទ្ធក្នុងរយៈពេល១០ម៉ោងដើម្បីបង្ហាញបេសកកម្មកម្លាំងលើឧបទ្វីបកូរ៉េ។

យន្តហោះអាមេរិកាំងបានត្រូវចូលរួមដោយយន្តហោះយោធាជប៉ុនបាននៅពីលើផ្ទៃទឹកជប៉ុននិងយន្តហោះចំបាំងកូរ៉េខាងត្បូងចំនួន៤គ្រឿងនៅពីលើឧបទ្វីបកូរ៉េដែលនៅទីនោះយន្តហោះចំបាំងទាំងនោះបានប្រើប្រាស់អាវុធមែនទែននៅតំបន់ហ្វឹកហាត់ Pilsung Range។

ការបង្ហាញកម្លាំងបានកើតមានឡើង២ថ្ងៃ បន្ទាប់ពីប្រទេសកូរ៉េខាងជើងបានបាញ់កាំជ្រួចមីស៊ីលប្រតិបត្តិការមធ្យមឆ្លងកាត់ប្រទេសជប៉ុន។ ហើយការបង្ហាញកម្លាំងនេះកើតមានឡើងប៉ុន្មានថ្ងៃបន្ទាប់ពីនាវាសហរដ្ឋអាមេរិកបានប្រកាសថា នាវិករបស់ខ្លួនបានបាញ់ទម្លាក់កាំជ្រួចមីស៊ីលប្រតិបត្តិការមធ្យមប្រកបដោយជោគជ័យនៅផ្ទៃទឹកទល់មុខកោះហាវ៉ៃនៅក្នុងការសាកល្បងប្រព័ន្ធការពារកាំជ្រួចមីស៊ីល។

កូរ៉េខាងជើងបានបាញ់បង្ហោះកាំជ្រួចមីស៊ីលជាច្រើនគ្រាប់ឆ្ពោះទៅកាន់ប្រទេសជប៉ុននៅឆ្នាំនេះ ដោយភាគច្រើនបានធ្លាក់នៅក្នុងសមុទ្រជប៉ុន។

លោកឧត្តមសេនីយ៍ Terrence J- O’Shaughnessy មេបញ្ជាការកងទ័ពសហរដ្ឋអាមេរិកនៅមហាសមុទ្រប៉ាស៊ីហ្វិកបាននិយាយថា «សកម្មភាពរបស់កូរ៉េខាងជើងជាការគំរាមកំហែងដល់សម្ព័ន្ធមិត្តរបស់យើង‍‍»៕