អ្នកណាអាក្រក់ អ្នកណាល្អ ច្បាស់ឬនៅពេលនេះ?

អ្នកណាអាក្រក់ អ្នកណាល្អ ច្បាស់ឬនៅពេលនេះ? 

ពេលដែលប្រទេសសេរី ប្រទេសមានអរិយធម៌រុងរឿង នានាលើពិភពលោក អាចនិយាយថា ៩៥% គេប្រឆាំង របប ហ៊ុន សែន ដូចជា អាមេរិក សហគមអឺរ៉ុប អង់គ្លេស អូស្រ្តាលី ញូហ្សាឡែន បារាំង អាល្លឺម៉ង់ អង្គការសហប្រជាជាតិ សភាសមាគមអាស៊ាន និងរួមទាំងអង្គការអន្តជាតិធំៗលើពិភពលោកផងដែរ បានថ្កោលទោសការចាប់ខ្លួនលោក កឹម សុខា ថាជារឿងមិនត្រូវត្រូវ បែរជា ហ៊ុន សែន និងអាម៉ីអាថោង រួមគ្នាស្រែកប្រមាថ ចោទថាប្រទេស និងអង្គការអន្តរជាតិទាំងនោះកំពុងលូកលាំចូលកិច្ចការផ្ទៃក្នុងរបស់កម្ពុជា ហើយចំអកឡកឡឺយបញ្ចេញចរិតដូចក្មេងបៀមដៃ រួមទាំងព្យាយាមបិទព័ត៌មានទាំងនោះមិនឲ្យរាស្រ្តខ្មែរបានដឹងថែមទៀត។

លុះដល់ចិនដែលជាប្រទេសថោកទាប ល្បីល្បាញខាងដើរបង្ករឿង ដើរហុតឈាមកេងប្រវ័ញ្ចប្រទេសក្រីក្រ និងជាមេជើងឯកដើរការពារពួកមេដឹកនាំផ្តាច់ការ និងមេដឹកនាំឃាតករក្នុងពិភពលោក ចេញសារគាំទ្រទង្វើរបស់ខ្លួនក្នុងការចាប់លោក កឹម សុខា បែរជា ហ៊ុន សែន និងអាម៉ីអាថោងនាំគ្នាស្រែកសាទរ ហើយមិនបានចោទចិនថាលូកលាំចូលកិច្ចការផ្ទៃក្នុងកម្ពុជាឡើយ រួចនាំគ្នាខំចាក់ផ្សាយបង្អួតរាស្រ្តខ្មែរយ៉ាងគគ្រឹគគ្រេង ថាមានបរទេសគាំទ្រទង្វើខ្លួនថាត្រឹមត្រូវ ដើម្បីមកបោករាស្រ្តខ្មែរទៅវិញ។

នេះហើយសារជាតិ ហ៊ុន សែន សារជាតិស៊ីភីភី និងអាម៉ីអាថោង ពួកគំនិតថោកទាបខ្វះមនសិការជាតិក្នុងលោក៕

ប្រភព៖ ខ្មែរ សុវណ្ណភូមិ