Breaking news! សម្តេចតេជោនៃយើងប្រឹងហាត់ប្រាណមួយថ្ងៃ៣ម៉ោង ដើម្បីសុខភាពរាងកាយរឹងមាំអាចរស់រានដល់៣០ឆ្នាំទៀត និងបន្តក្រាញអំណាចក្ដោបក្ដាប់កៅអីនាយករដ្ឋមន្ត្រី១០ឆ្នាំទៀត ឥតបញ្ហា !!
យោងតាមប្រសាសន៍របស់បុរសខ្លាំងសម្ដេចតេជោ នាព្រឹកថ្ងៃទី២៥ ខែកញ្ញា ឆ្នាំ២០១៧ កន្លងមកថ្មីៗនេះ ដែលសម្តេចតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីបិទទ្វារទឹកទំនប់វារីអគ្គិសនីសេសានក្រោម២ (Hydro Power Lower Se San 2) អានុភាព៤០០មេហ្កាវ៉ាត់ ស្ថិតនៅក្នុងឃុំភ្លុក ស្រុកសេសាន ខេត្តស្ទឹងត្រែង ដែលបានរៀបចំឡើងដោយក្រសួងរ៉ែ និងថាមពល, អាជ្ញាធរខេត្តស្ទឹងត្រែង និងក្រុមហ៊ុន Hydro Power Se San 2 Co., Ltd ។ ប្រសាសន៍របស់បុរសខ្លាំងសម្ដេចតេជោ លោកបានថ្លែងនៅក្នុងពិធីបិទទ្វារទឹកទំនប់វារីអគ្គិសនីសេសានក្រោម២ មានយ៉ាងដូច្នេះថា៖
"..ខ្ញុំជឿជាក់លើខ្លួនឯងថា យ៉ាងហោចណាស់ខ្ញុំអាចរស់នៅ ៣០ឆ្នាំទៀត ដូចនេះការធ្វើជានាយករដ្ឋមន្ត្រី ១០ឆ្នាំទៀតមិនមានបញ្ហានោះឡើយ..."។
ហើយកាលពីម្សិលមិញ ត្រូវនឹងថ្ងៃទី២៨ ខែកញ្ញា ឆ្នាំ២០១៧ នេះ សម្តេចតេជោហ៊ុន សែន ក៏បានបង្ហោះសារនិងរូបភាពរបស់លោកក្នុងឥរិយាបថកំពុងហាត់ប្រាណ តាមរយៈបណ្ដាញទំនាក់ទំនងសង្គមហ្វេសប៊ុក របស់លោក មានយ៉ាងដូច្នេះថា៖
បើតាមប្រសាសន៍របស់សម្តេចតេជោហ៊ុន សែន លោកមានប្រសាសន៍យ៉ាងដូច្នេះ ក៏ដើម្បីបញ្ជាក់ប្រាប់មហាជន ថាលោកប្រឹងហាត់ប្រាណមួយថ្ងៃ ៣ម៉ោងនេះ ក៏ដើម្បីសុខភាពរាងកាយបានរឹងមាំអាចនឹងរស់រានមានជីវិតអាយុយឺនវែងបន្តដល់ ៣០ឆ្នាំទៀត និងបន្តក្រាញអំណាចក្ដោបក្ដាប់កៅអីនាយករដ្ឋមន្ត្រីនៃព្រះរាជាណាចក្រកម្ពុជាបាន ១០ឆ្នាំឬ២អាណត្តិទៀត ឥតបញ្ហា! ។
ចំណែកប្រភពពីវេបសាយផ្ដាច់ការ (Pdachkar) បានសរសេរអត្ថបទ ន័យចង់ចំអកឌឺដងដាក់ប្រសាសន៍របស់សម្តេចតេជោហ៊ុនសែន មានយ៉ាងដូច្នេះថា៖
រាងកាយមិនដឹងជាដើរដល់ ២អាណត្តិទៀតឬអត់ទេ ប៉ុន្តែចិត្តចេះតែហ៊ាន សម្តេចតេជោប្រកាសថា នឹងនៅបន្តក្រាញអំណាច ២អាណត្តិទៀត ទោះបីកូនចៅខ្លួនចាស់អស់ក៏ដោយ !!
វិមានសន្តិភាព៖ ក្នុងពិធីបំពាក់គ្រឿងឥស្សរិយយសជូនព្រឹទ្ធាចារ្យ កោសល្យវោហារ គង់ ណៃ ព្រឹកថ្ងៃទី ២៩ ខែកញ្ញា ឆ្នាំ ២០១៧ នេះ សម្តេចតេជោបានប្រកាសម្តងទៀតថា នឹងខិតខំក្រាញអំណាច ២អាណត្តិទៀតឲ្យបាន ទោះបីចាញ់ឆ្នោតនៅឆ្នាំ២០១៨ ឬកូនចៅ ឬក្រុមទ្រព្រះស៊ុតរបស់សម្តេចចាស់អស់ប្រើការលែងកើតក៏ដោយ ព្រោះសម្តេចយល់ថា ប្រទេសនេះមិនអាចខ្វះសម្តេចបានទេ បើអស់ពីសម្តេចទៅ ប្រទេសនេះនឹងរលំរលាយមិនខាន ហេតុនោះ ការបន្តក្រាញអំណាចនេះ គឺ ដើម្បីរក្សាសន្តិភាព គឺ អំណាចដែលសម្តេចបានក្តោបក្តាប់មករាប់ទសវត្ស និងថាមិនឲ្យមានមនុស្សថ្មីក្រៅពីបក្សពួកសម្តេចមកដឹកនាំកម្ពុជាជាដាច់ខាត ៕
No comments:
Post a Comment