ហ្វេសប៊ុករបស់ ឯកអគ្គរដ្ឋទូតនៃប្រទេសសហរដ្ឋអាមេរិក ប្រចាំនៅព្រះរាជាណាចក្រកម្ពុជា បានបង្ហោះសារសំដែងទុក្ខក្រៀមក្រំ និងសោកស្ដាយ ពីការដែលកាសែត The Cambodia Daily ត្រូវបិទទ្វារ !

ហ្វេសប៊ុករបស់ ឯកអគ្គរដ្ឋទូតនៃប្រទេសសហរដ្ឋអាមេរិក ប្រចាំនៅព្រះរាជាណាចក្រកម្ពុជា បានបង្ហោះសារសំដែងទុក្ខក្រៀមក្រំ និងសោកស្ដាយ ពីការដែលកាសែត The Cambodia Daily ត្រូវបិទទ្វារ ! ។

ជាមួយគ្នានេះ មហាប្រជាពលរដ្ឋខ្មែរដែលប្រើហ្វេសប៊ុក ក៏បានមកចូលរួមសំដែងនានាទស្សនៈ(Comments)សោកស្ដាយ នៅខាងក្រោមសារហ្វេសប៊ុករបស់ ឯកអគ្គរដ្ឋទូតនៃប្រទេសសហរដ្ឋអាមេរិក ប្រចាំនៅព្រះរាជាណាចក្រកម្ពុជា ផងដែរ ចំពោះការដែលកាសែត The Cambodia Daily ត្រូវបិទទ្វារ បន្ទាប់ពីប្រតិបត្តិការបោះពុម្ភផ្សាយអស់រយៈពេល ២៤ឆ្នាំ និង១៥ថ្ងៃ តាំងពីឆ្នាំ១៩៩៣ មក និងការបិទនេះនៅចំពេលមានការចម្រូងចម្រាស... ។

នេះជាសារហ្វេសប៊ុករបស់ ឯកអគ្គរដ្ឋទូតនៃប្រទេសសហរដ្ឋអាមេរិក ប្រចាំនៅព្រះរាជាណាចក្រកម្ពុជា ៖ សែត The Cambodia Daily ពីឆ្នាំ ១៩៩៣ ដល់ឆ្នាំ ២០១៧

ថ្ងៃបិទកាសែត The Cambodia Daily គឺជាថ្ងៃទុក្ខក្រៀមក្រំមួយសំរាប់ផ្នែកសារព័ត៌មាន និងសំរាប់ប្រទេសកម្ពុជា។ អស់រយៈពេល ៣ទសវត្សរ៍មកហើយ ដែលកាសែតនេះបានផ្តល់មូលដ្ឋានគ្រឹះនៃអាជីពសំរាប់អ្នកសារព័ត៌មានកម្ពុជា និងអ្នកសារព័ត៌មានបរទេសចំនួន ២ជំនាន់ ដោយពួកគេជាច្រើនបានឡើងដំណែងខ្ពស់ នៅក្នុងការងាររបស់គេ។ ក្រុមបុគ្គលិក និងអ្នកយកព័ត៌មានកម្ពុជា និងបរទេសប្រកបដោយទឹកចិត្តមោះមុតក្នុងការងារ បាននាំយកមកនូវព័ត៌មានស៊ីជំរៅ មិនត្រឹមតែសំរាប់ប្រជាជនកម្ពុជាតែប៉ុណ្ណោះទេ តែថែមទាំងបានធ្វើអោយពិភពលោកមានការយល់ដឹងពីប្រទេសកម្ពុជាថែមទៀតផង។ ពេលនេះ សំឡេងដ៏មានសារៈសំខាន់នេះលែងមានហើយ។

យើងមានការសោកស្តាយដែលរដ្ឋាភិបាលកម្ពុជាមិនបានស្វែងរកដំណោះស្រាយដែលអាចអនុញ្ញាតអោយកាសែតនេះបន្តដំណើរការទៅទៀតបាន។ កាសែត The Cambodia Daily បានផ្តល់ព័ត៌មាន លើកទឹកចិត្ត និងធ្វើអោយប្រជាជនកម្ពុជា និងមិត្តភក្តិរបស់គេមានការផ្សារភ្ជាប់គ្នា ទាំងនៅទីនេះទាំងនៅក្នុងពិភពលោក។ ជាមួយនឹងការបិទកាសែតនេះ បង្អួចមួយសំរាប់មើលទៅក្នុងនិងចេញពីប្រទេសកម្ពុជាត្រូវបានកាត់បន្ថយ។

យើងសូមអបអរសាទរបុគ្គលិកជាជនជាតិខ្មែរទាំងអស់ រាប់ពីអ្នកដែលធ្វើការជាមួយកាសែតនេះតាំងពីដំបូងមក រហូតដល់អ្នកដែលធ្វើការអោយកាសែតនេះរហូតដល់ទីបំផុត ចំពោះទឺកចិត្ត និងការងារអាជីពរបស់គេ ហើយយើងសូមជូនពរអោយពួកគេទទួលបានជោគជ័យនៅក្នុងការខិតខំរបស់គេនៅពេលអនាគត ៕

ប្រភព ៖ U.S. Embassy Phnom Penh, Cambodia