មនុស្សយ៉ាងតិច៥០នាក់ស្លាប់ និងជាង៤០០នាក់រងរបួសនៅក្នុងការបាញ់ប្រហារមួយក្នុងទីក្រុង Las Vegas
 |
| មនុស្សម្នារត់ចេញទៅក្រៅសណ្ឋាគារ Mandalay Bay បន្ទាប់ពីខ្មាន់កាំភ្លើងបានធ្វើការបាញ់ប្រហារលើអ្នកចូលរួមកម្មវិធី Route 91 Harvest Music Festival ក្នុងក្រុង Las Vegas កាលពីថ្ងៃទី១ ខែតុលា ឆ្នាំ២០១៧។ |
ប៉ូលិសក្រុង Las Vegas លោក Joseph Lombardo បានប្រាប់អ្នកសារព័ត៌មានថា អ្នកវាយប្រហាររូបនោះ ពេលនោះនៅជាន់ទី ៣២ នៃអាគារកាស៊ីណូ Mandalay Bay ដែលស្ថិតនៅម្ខាងផ្លូវទល់មុខនឹងកន្លែងប្រគុំតន្ត្រីកណ្ដាលវាលនោះ ដែលនៅទីនោះផ្ទាំងវីដេអូនានាបានបង្ហាញឲ្យឃើញនូវអ្នកចូលរួមការប្រគុំតន្ត្រីនេះឱនក្បាលរកកន្លែងពួន ស្រែក និងរត់គេច ពេលដែលគេឭសូរស្នូរគ្រាប់កាំភ្លើងបាញ់រះជាបន្តបន្ទាប់។
លោក Joseph Lombardo បាននិយាយថា អាជ្ញាធរមិនទាន់អាចបង្ហាញអត្តសញ្ញាណរបស់អ្នកបាញ់ប្រហារនោះនៅឡើយទេ ប៉ុន្តែក្រុមប៉ូលិសពិសេសបានបាញ់តតាំងជាមួយនឹងអ្នកវាយប្រហារនោះ ដែលជាហេតុធ្វើឲ្យអ្នកវាយប្រហារនេះបានស្លាប់ ហើយក្រុមប៉ូលិសពិសេសនោះជឿជាក់ថា ជននោះធ្វើការវាយប្រហារតែម្នាក់ឯងទេ។ ឥឡូវនេះ ប៉ូលិសកំពុងធ្វើការស្វែងរកស្ត្រីម្នាក់ដែលជាអ្នកស្នាក់នៅជាមួយនឹងជននេះ ដើម្បីទទួលបានព័ត៌មានបន្ថែមទៀត។
ប៉ូលិសដែលមិនស្ថិតក្នុងម៉ោងធ្វើការជាច្រើននាក់ ដែលនៅកន្លែងប្រគុំតន្ត្រីនោះដែរ ស្ថិតក្នុងចំណោមអ្នកដែលស្លាប់ទាំងនោះ។
ពេលដែលហេតុការណ៍នេះបានកើតឡើង មនុស្សម្នាបានស្វែងរកកន្លែងសុវត្ថិភាពតាមសណ្ឋាគារជាច្រើននៅក្នុងសង្កាត់ទេសចរណ៍ប្រជាប្រិយមួយនេះ។ ប្រលានយន្តហោះអន្តរជាតិ Las Vegas ក៏ស្ថិតនៅក្នុងតំបន់នោះដែរ ហើយជើងហោះហើរនានាត្រូវបានផ្អាកជាបណ្ដោះអាសន្ន ដោយសារការបាញ់ប្រហារនេះ៕
At least 50 dead in Vegas shooting
១. ទិដ្ឋភាពឆាកប្រគុំតន្ត្រី Route 91 Harvest នៅពីមុខសណ្ឋាគារ Mandalay Bay ដែលស្ថិតនៅតាមដងវិថី Las Vegas Boulevard South នៅទីក្រុង Las Vegas រដ្ឋ Nevada កាលពីថ្ងៃទី១ ខែតុលា ឆ្នាំ២០១៧។
២. ក្រុមមនុស្សនាំគ្នារកកន្លែងសុវត្ថិភាពលាក់ខ្លួន នៅកន្លែងប្រគុំតន្ត្រី Route 91 Harvest បន្ទាប់ពីស្នូរកាំភ្លើងបានលាន់ឡើង កាលពីថ្ងៃទី១ ខែតុលា ឆ្នាំ២០១៧ នៅទីក្រុង Las Vegas រដ្ឋ Nevada។
៣. ក្រុមមនុស្សនាំគ្នារត់ចេញពីកន្លែងប្រគុំតន្ត្រី Route 91 Harvest បន្ទាប់ពីស្នូរកាំភ្លើងបានលាន់ឡើង កាលពីថ្ងៃទី១ ខែតុលា ឆ្នាំ២០១៧ នៅទីក្រុង Las Vegas រដ្ឋ Nevada។
៤. ក្រុមមនុស្សនាំគ្នាជួយសង្គ្រោះអ្នករងរបួសម្នាក់នៅក្រៅកន្លែងប្រគុំតន្ត្រី Route 91 Harvest បន្ទាប់ពីស្នូរកាំភ្លើងបានលាន់ឡើង កាលពីថ្ងៃទី១ ខែតុលា ឆ្នាំ២០១៧ នៅទីក្រុង Las Vegas រដ្ឋ Nevada។
៥. បុរសម្នាក់ដាក់ខ្លួនគ្របពីលើស្ត្រីម្នាក់ ខណៈពេលដែលមនុស្សផ្សេងទៀតនាំគ្នាចាកចេញពីកន្លែងប្រគុំតន្ត្រី Route 91 Harvest បន្ទាប់ពីស្នូរកាំភ្លើងបានលាន់ឡើង កាលពីថ្ងៃទី១ ខែតុលា ឆ្នាំ២០១៧ នៅទីក្រុង Las Vegas រដ្ឋ Nevada។
៦. មន្ត្រីប៉ូលិសណែនាំឲ្យមនុស្សរកកន្លែងមានសុវត្ថិភាពលាក់ខ្លួន នៅក្បែរកន្លែងកើតហេតុនៃការបាញ់ប្រហារមួយ នៅជិតសណ្ឋាគារ Mandalay Bay នៅលើដងវិថី Las Vegas Strip កាលពីថ្ងៃទី១ ទីតុលា ឆ្នាំ២០១៧ នៅទីក្រុង Las Vegas។
៧. សាកសពមនុស្សម្នាក់ត្រូវបានគ្របដោយក្រណាត់ នៅចន្លោះដងវិថី Tropicana Avenue និងវិថី Las Vegas Boulevard South បន្ទាប់ពីការបាញ់ប្រហារលើហ្វូងមនុស្សបានកើតឡើងនៅលើដងវិថី Las Vegas Strip កាលពីថ្ងៃទី១ ខែតុលា ឆ្នាំ២០១៧ នៅទីក្រុង Las Vegas រដ្ឋ Nevada។
៨. ស្បែកជើងកវែងមួយគូ ត្រូវបានបន្សល់ទុកនៅលើផ្លូវក្រៅកន្លែងប្រគុំតន្ត្រី បន្ទាប់ពីការបាញ់ប្រហារលើហ្វូងមនុស្សបានកើតឡើងនៅលើដងវិថី Las Vegas Strip កាលពីថ្ងៃទី១ ខែតុលា ឆ្នាំ២០១៧ នៅទីក្រុង Las Vegas រដ្ឋ Nevada។
No comments:
Post a Comment