តុលាកាឡ៍ខេត្ដកោះកុងមិនអនុញ្ញាតសំណើរសុំអោយនៅក្រៅឃុំរបស់សកម្មជនបរិស្ថាន លោក
ហ៊ុន វណ្ណៈ និងឌឹម គុនឌីឡើយ ដោយសារតែស្ដាប់បញ្ជាមេ មេធំជាងតុលាកាឡ៍ ហើយតុលាការមិនមែនតុលាការរបស់រាស្ដ្រ ដូច្នេះហើយទើបគេស្ដាប់បញ្ជាមេ !!។
រហូតមកដល់ពេលនេះមានរយៈពេល 27ថ្ងៃ ហើយដែលតុលាការខេត្ដកោះកុងឃុំខ្លួនលោក វណ្ណៈ និងគុនឌី ដោយមូលហេតុ ថាពួកគេថតរូបរំលោភសិទ្ធិឯកជន និងចោទពួកគេពីបទញុះញុង់ ដែលបទចោទទាំងពីរនេះធ្វើឡើងដោយតក់ក្រហល់ និងផ្អែកលើសេចក្ដីសន្និដ្ឋានដែលមិនមានភស្ដុតាងណាមួយបញ្ជាក់ថាពួកគេបានប្រព្រឹត្ដដូចការសន្និដ្ឋានរបស់តុលាកាឡ៍ឡើយ។
សូមបញ្ជាក់ផងដែរថាបន្ទាប់ពីបញ្ជូនខ្លួនសកម្មជនយើងទៅឃុំនៅពន្ធធនាគារប្រមាណជាពីរសប្ដាហ៍ មានមន្ដ្រីបីរូប ដែលពួកគាត់បានបង្ហាញអត្ដសញ្ញាណថាពួកគាត់ជាមន្ដ្រីប៉ូលីសបច្ចេកវិទ្យាមកពក្រសួងមហាផ្ទៃ ហើយមកជាលក្ខណៈក្រៅផ្លូវការ បានចូលទៅក្នុងពន្ធធនាគារដើម្បីសុើបសួរសកម្មជនយើងដោយមិនបានផ្ដល់តំណឹងជូនទៅមេធាវីពួកគេឡើយ។ យោងតាមការបកស្រាយរបស់អ្នកប្រឹក្សាច្បាប់មួយចំនួនបានលើកឡើងថា ការធ្វើបែបនេះគឺធ្វើអោយប៉ះពាល់ដល់នីតិវិធីសុើបអង្កេតរបស់ចៅក្រម និងតុលាការ។
ឆ្លងតាមការបំភ្លឺរបស់អ្នកបើកទូកបានបង្ហាញថាលោក វណ្ណៈ និងគុនឌី ត្រូវបានឃាត់ខ្លួនបន្ទាប់ពីត្រលប់មកពីលំហសមុទ្រ ក្បែរកប៉ាល់ដឹកខ្សាច់ទៅក្រៅប្រទេស ចំងាយប្រហែលជា 20km ពីកប៉ាល់ និង 20km ពីការដ្ឋាន ហើយពួកគេមិនបានចូលទៅក្នុងការដ្ឋានរបស់ក្រុមហ៊ុនឡើយ។ អ្នកដែលទៅឃាត់ខ្លួនសកម្មជនទាំងពីរ គឺជាមន្ដ្រីប៉ូលីសដែលក្រុមហ៊ុនជួលអោយយាមក្រុមហ៊ុនរបស់គេនិងមេការក្រុមហ៊ុន។ បន្ទាប់ពីឃាត់ខ្លួនហើយពួកគេបានបញ្ជូនសកម្មជនទាំងពីរទៅប៉ុស្ដិ៍នគរបាលឃុំព្រែកខ្សាច់ លោកមេប៉ុស្ដិ៍ឃុំព្រែកខ្សាច់មិនបានដឹងពីរឿងនេះទេ ហើយក៍មិនបានបញ្ជាអោយមន្ដ្រីប៉ូលីសឃាត់ខ្លួនយុវជនយើងដែរ។
តែដោយសារគេបញ្ជូនយុវជនយើងដល់ប៉ុស្ដិ៍នគរបាលទៅហើយ ហើយក៍ធ្វើការសាកសួរនិងឆែកឆេរតាមសំណើររបស់ក្រុមហ៊ុនតែម្ដងទៅ បន្ទាប់ពីឆែកឆេរហើយមិនបានរកឃើញភស្ដុតាងអ្វីទាំងអស់ តែដោយសារបញ្ជាពីមេ ដែលយើងមិនដឹងថាមេមួយណាទេ ព្រោះលោកស្នងការខេត្ដដែលយើងដឹងថាជាមេនោះមិនបាននៅស្រុកខ្មែរទេថ្ងៃនោះ គឺលោករវល់ប្រជុំនៅស្រុកថៃ ដូច្នេះរហូតមកដល់ពេលនេះការអនុវត្ដការឃុំខ្លួនយុវជនយើងគឺធ្វើឡើងតាមបញ្ជារបស់មេ គឺមិនមែនធ្វើតាមច្បាប់ឡើយ ៕
ប្រភព៖ Chham Chhany
No comments:
Post a Comment