ការផ្ទុះភ្នំភ្លើងម្តងៗពិតជាបង្កមហន្តរាយយ៉ាងវិនាស ដល់សព្វសត្វ មនុស្ស និងធម្មជាតិ នៅជុំវិញបរិវេណ ដោយសារកម្លាំងកំដៅ រាប់ម៉ឺនអង្សារបស់វា។
ប៉ុន្តែទន្ទឹមនឹងមហន្តរាយក្រោយមក វាក៏បានបន្សល់ទុកនូវសារជាតិមួយចំនួន ដែលក្លាយទៅជាធនធានរ៉ែមានតម្លៃ ដ៏កម្រយ៉ាងមហាសាលផងដែរ។
យ៉ាងណាមិញ "កម្តៅនយោបាយ" នៅកម្ពុជា បច្ចុប្បន្ន ក៏មានកម្តៅរាប់ម៉ឺនអង្សាដែរ។ សំនួរសួថា ៖ តើក្តៅរហូត? ចម្លើយ ៖ "ទេ" ត្រូវតែមានថ្ងៃត្រជាក់វិញ។
សម្រាប់អ្នកសិក្សានយោបាយក្រៅប្រទេស ក៏ដូចអ្នកដែលតែងតែគិត រឿងវាសនាប្រទេសជាតិដែរ ពិតជាបានយល់ច្បាស់ថា ដើម្បីធ្វើឲ្យមានការផ្លាស់ប្តូរជាវិជ្ជមាន ដោយអហឹង្សា មានតែឥទ្ធិពលពីរគត់ គឺ "ឥទ្ធិពលមហាជន និងឥទ្ធិពលការទូត"។ ឥទ្ធិពលទាំងពីរនេះ មិនអាចខ្វះមួយណាបានទេ ព្រោះ "ការទូតខ្លាំង អាស្រ័យមហាជនខ្លាំង" ដែរ ហើយ "មហាជនជោគជ័យ អាស្រ័យការទូត ជួយការពារ និងគាំទ្រ"។
ដូច្នេះ សកម្មភាពប៉ុនប៉ងចង់រំលាយ "គណបក្សសង្គ្រោះជាតិ" ទោះរំលាយបានក្តី មិនបានក្តី ពេលនេះ ក៏សកម្មភាពទុច្ចរិតនេះ បានទៅដុត "កម្តៅមហាជន និងការទូត" រួចស្រេចទៅហើយ។
ចាំមើលចុះ "ផលវិជ្ជមាន សំរាប់អ្នកប្រជាធិបតេយ្យ" ដែលកើតចេញពី ក្រោយកម្តៅនយោបាយ ត្រូវបានបញ្ចប់៕ (Sor Chandeth)
បាត់ដំបង ថ្ងៃទី០៧ ខែតុលា ឆ្នាំ២០១៧
No comments:
Post a Comment