អ្វីទៅជា អភ័យឯកសិទ្ធិគ្រួសារ ដោយមេធាវី សុក សំអឿន

*អភ័យឯកសិទ្ធិគ្រួសារ

ល្ងាចនេះ បានស្តាប់អ្នកអានព័ត៌មាននៃទូរទស្សន៍ល្បីមួយ​ គាត់បាននិយាយថា អំពើលួចគឺជា​បទ​ល្មើស​ព្រហ្មទណ្ឌ ដូចនេះមិនប្រកាន់ថា លូចបងប្អូន លួចឪពុកម្តាយនោះទេ កាលណាប្រព្រឹត្ត​បទ​ល្មើស ក្បាលនរណា សក់អ្នកនោះ។ ពោលគឺ តាមខ្ញុំយល់ គឺគាត់ចង់និយាយថា ទោះជាលួចឪពុក ម្តាយក៏មានទោសដែរ។

ប៉ុន្តែ បើយោងតាមមាត្រា ៣៥៥ នៃក្រមព្រហ្មទណ្ឌ ដែលស្តីពី អភ័យឯកសិទ្ធិគ្រួសារ បានចែងថា ការលួចទ្រព្យសម្បត្តិរបស់បុព្វញាតិ ឬបច្ឆាញាតិ ឬសហព័ទ្ធ គឺមិនមានទោសព្រហ្មទណ្ឌនោះទេ។ បុព្វញាតិ គឺញាតិថ្នាក់លើរបស់យើង មានឪពុកម្តាយ ជីដូនជីតា។ បច្ឆាញាតិ គឺញាតិថ្នាក់ក្រោមរបស់​យើង មាន កូន ឬចៅ។

ដូចនេះ សូមបងប្អូនកុំយល់ច្រឡំឲ្យសោះ។ លួចទ្រព្យសម្បត្តិរបស់បុព្វញាតិ បច្ឆាញាតិ ឬ សហព័ទ្ធ គឺមិនមែនជាបទព្រហ្មទណ្ឌនោះទេ៕

អត្ថបទដោយ ៖ មេធាវី សុក សំអឿន
ថ្ងៃទី ១០ ខែ សីហា ឆ្នាំ ២០១៧
អត្ថបទទាក់ទងមេធាវី សុក សំអឿន ៖ ការកាត់ក្តីដែលយុត្តិធម៌ គម្លាតរវាង លទ្ធិប្រជាធិប​តេយ្យ​​ដោយផ្ទាល់ និង លទ្ធិ​ប្រជាធិប​តេយ្យ​ដោយតំណាង  បទវិភាគ៖ តុលាការរដ្ឋបាល វិធីនៃការពង្រឹងឥទ្ធិពល/អំណាច អ្វីទៅជា វិមតិសង្ស័យ