បណ្ឌិតគ្រៀវជ្រូកសុខទូច បានរអ៊ូថា លោកខិតខំប្រឹងប្រែងដើម្បីជាតិ តែមិនបានពាក្យសរសើរ បែរជាបានពាក្យជេរប្រមាថលោកវិញ !!
ប្រធានរាជបណ្ឌិត្យសភា រហ័សនាមដ៏ល្បីល្បាញបណ្ឌិតគ្រៀវជ្រូកគឺលោក សុខ ទូច ដែលទើបនឹងឡើងកាន់តំណែងបានថ្មីថ្មោងនោះ ហាក់មិនពេញចិត្តជាមួយនឹងការជេរប្រមាថលោក ពីក្រុមអ្នកប្រើប្រាស់បណ្ដាញសង្គមនោះទេ ។
លោកសុខ ទូច យល់ថា ការខិតខំប្រឹងប្រែងរបស់លោក និងក្រុមការងាររបស់លោកដើម្បីជាតិខ្មែរកន្លងមកនេះ ហាក់មិនបានទទួលការផ្ដល់កម្លាំងចិត្តពីប្រជាពលរដ្ឋមួយចំនួននោះទេ ផ្ទុយទៅវិញ លោកបែរជាទទួលបាននូវរាល់ពាក្យជេរប្រមាថទៅលើរូបលោក និងក្រុមការងាររបស់លោក ស្ទើរសព្វគ្រប់បែបយ៉ាង ដែលខិតខំចុះធ្វើការស្រាវជ្រាវរឿងព្រំដែនទៅវិញ ៖ «ក្រុមយើង នឹងខិតខំកសាងសៀវភៅនេះសម្រាប់មនុស្សជំនាន់ទៅមុខទៀត។ តែផ្ទុយទៅវិញបានត្រឹមតែគេដាក់
បណ្តាសា ប្រមាថមើលងាយ ប្រើពាក្យគ្មានសីលធម៌មកលើក្រុមរបស់យើង» ។
ការប្រាប់អោយដឹងរបស់លោក សុខ ទូច យ៉ាងដូច្នេះ ធ្វើឡើងនៅលើទំព័រហ្វេសប៊ុកផ្លូវការរបស់លោកនាព្រឹកថ្ងៃទី២២ ខែសីហានេះ គឺក្រោយពេលដែលរូបលោកត្រូវរងការរិះគន់យ៉ាងចាស់ដៃពីក្រុមប្រជាពលរដ្ឋ ជាពិសេសអ្នកប្រើប្រាស់ហ្វេសប៊ុក បន្ទាប់ពីប្រធានរាជបណ្ឌិតសភារូបនេះ បានថ្លែងអះអាងថា ភូមិកំណើតរបស់លោក ហេង សំរិន គឺជាដីរបស់វៀតណាមស្រាប់ ។ លើសពីនេះទៀតនោះ កិច្ចការងាររបស់លោកនេះ ហាក់ត្រូវរងការរិះគន់ពីមជ្ឈដ្ឋានពលរដ្ឋយ៉ាងច្រើនថា លោកធ្វើដើម្បីតែចង់បានតំណែង។
ទោះជាយ៉ាងណា លោក សុខ ទូច បានថ្លែងបញ្ជាក់ថា កិច្ចការងាររបស់លោកដែលកំពុងធ្វើជារៀងរាល់ថ្ងៃនេះ គឺមិនស្រួលដូចការលើកឡើងឡើយ ហើយថា អ្វីដែលលោកធ្វើរាល់ថ្ងៃនេះ គឺដើម្បីប្រទេសជាតិ និងដើម្បីកូនចៅខ្មែរតែប៉ុណ្ណោះ ៖ « វាលំបាកស្ទើរតែរកពាក្យមកថ្លែងមិនបានសម្រាប់អ្នកធ្វើកិច្ចការព្រំដែននេះ» ។
លោកបានបញ្ជាក់ថា គឺវាពិបាកក្នុងការស្វែងរកឯកសារ ក្រោយពីបានឯកសារមកហើយ ត្រូវផ្ទៀងផ្ទាត់រវាងផែនទី និងផែនដីទៀត ហើយជាពិសេសទៅទៀតនោះ មិនទាន់មានការសរសេរសៀវភៅពីរឿងប្រវត្តិសាស្រ្តលើបញ្ហាព្រំដែននៅឡើយទេ៕
រឿងព្រំដែនខ្មែររឿងផែនទីខ្មែរ៖ បន់ឌិតគ្រៀវជ្រូកសុខ ទូច VS សច្ចវាទី វីរបណ្ឌិតកែម ឡី
ប្រភព ៖ imnsj
No comments:
Post a Comment