លោកកែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា មានហិរិ ឱត្តប្ប ចំពោះប្រជាខ្មែរបន្តិចហើយ ព្រោះព្រមទទួលស្គាល់ចំណុចខ្មៅនិងបារម្ភចំពោះសម្ដីរបស់រដ្ឋមន្ត្រីក្បាលនឹងគល់ឫស្សី !!

លោកកែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា មានហិរិ ឱត្តប្ប ចំពោះប្រជាខ្មែរបន្តិចហើយ ព្រោះព្រមទទួលស្គាល់ចំណុចខ្មៅនិងបារម្ភចំពោះសម្ដីរបស់រដ្ឋមន្ត្រីក្បាលនឹងគល់ឫស្សី !!

អាស៊ីសេរី ៖ លោក កែវ រ៉េមី ទទួលស្គាល់ការបារម្ភចំពោះសម្ដីរបស់រដ្ឋមន្ត្រីសង្គមកិច្ច

អ្នករាយការណ៍ពិសេសអង្គការសហប្រជាជាតិ ស្ដីពីសិទ្ធិមនុស្សនៅកម្ពុជា អ្នកស្រី រ៉ូណា ស្មីត (Rhona Smith) ជួបប្រធានគណៈកម្មាធិការសិទ្ធិមនុស្សកម្ពុជា នៅព្រឹកថ្ងៃទី៨ សីហា ដើម្បីចង់ដឹងអំពីការវិវឌ្ឍន៍នៃការគោរពសិទ្ធិមនុស្ស តាមអនុសាសន៍របស់ក្រុមប្រឹក្សាសិទ្ធិមនុស្សអង្គការសហប្រជាជាតិ។

ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី ទទួលស្គាល់ការបារម្ភអំពីសិទ្ធិមនុស្សរបស់អ្នកស្រី រ៉ូណា ស្មីត។

ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី មានប្រសាសន៍ថា លោកទទួលស្គាល់ការបារម្ភរបស់អ្នកស្រី រ៉ូណា ស្មីត អំពីពាក្យសម្ដីរបស់រដ្ឋមន្ត្រីក្រសួងសង្គមកិច្ច លោក វង សូត ដែលព្រមានវាយក្បាលអ្នកតវ៉ារឿងលទ្ធផលបោះឆ្នោតនៅពេលខាងមុខ។ លោកថា នេះជាការអប់រំច្បាប់៖ «»។

លោកបញ្ជាក់ទៅអ្នកស្រី រ៉ូណា ស្មីត ថា នោះគ្រាន់តែជាការបង្ហាញក្ដីព្រួយបារម្ភរបស់ថ្នាក់ដឹកនាំរដ្ឋាភិបាល ព្រោះតែកន្លងទៅមានអ្នកមិនទទួលស្គាល់លទ្ធផលបោះឆ្នោត។

ប្រធានក្រុមអ្នកច្បាប់ការពារសិទ្ធិកម្ពុជា លោក ហុង គឹមសួន មានប្រសាសន៍ថា សម្ដីរបស់លោក វង សូត គឺខុសច្បាប់៖ «»។

អ្នកស្រី រ៉ូណា ស្មីត ថ្លែងថា អ្នកស្រីមិនបានលើកឡើងអំពីការព្រួយបារម្ភចំពោះបញ្ហាសិទ្ធិមនុស្ស ដែលទាក់ទងនឹងពាក្យសម្ដីរបស់រដ្ឋមន្ត្រីក្រសួងសង្គមកិច្ច លោក វង សូត ដែលព្រមានវាយក្បាលអ្នកតវ៉ានឹងគល់ឫស្សីនោះទេ។ អ្នកស្រីថា លោក កែវ រ៉េមី លើកដោយខ្លួនឯង ហើយយល់ស្របថានោះជាបញ្ហាដែលមិនជួយអីដល់ការបោះឆ្នោតដែរ។

រដ្ឋមន្ត្រីក្រសួងសង្គមកិច្ច លោក វង សូត កាលពីសប្ដាហ៍មុន ត្រូវបានគេរិះគន់ច្រើនពេលដែលលោកព្រមានវាយក្បាលអ្នកតវ៉ារឿងលទ្ធផលបោះឆ្នោតនៅពេលខាងមុខ នឹងគល់ឫស្សី៖ «»។

ដោយឡែកអ្នកស្រី រ៉ូណា ស្មីត ថ្លែងបើកកិច្ចប្រជុំនោះថា ការជួបជាមួយប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី នៅព្រឹកថ្ងៃទី៨ សីហា គឺដើម្បីចង់ដឹងអំពីការវិវឌ្ឍន៍នៃការគោរពសិទ្ធិមនុស្សថ្មីបន្ថែមទៀត តាមអ្វីដែលបានពិភាក្សាកាលពីឆ្នាំមុន ជាពិសេសគឺការចងក្រងរបាយការណ៍សិទ្ធិមនុស្ស ដែលរដ្ឋាភិបាលត្រូវដាក់ជូនក្រុមប្រឹក្សាសិទ្ធិមនុស្សអង្គការសហប្រជាជាតិតាមកាលកំណត់៖ «»។

ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី ថ្លែងបន្ថែមថា អ្នកស្រី រ៉ូណា ស្មីត បានលើកពីការបារម្ភអំពីសិទ្ធិមនុស្សជាទូទៅ សិទ្ធិកុមារ និងជនជាតិដើមភាគតិច ដែលប៉ះពាល់ដោយការសាងសង់ទំនប់វារីអគ្គិសនីសេសានក្រោមពីរនៅខេត្តស្ទឹងត្រែង។ លោកថា រដ្ឋាភិបាលនឹងរៀបចំការឆ្លើយតបអំពីការព្រួយបារម្ភរបស់អ្នកស្រី រ៉ូណា ស្មីត ជាលាយលក្ខណ៍អក្សរ៖ «»។

ទោះជាយ៉ាងណាក្ដី អ្នកស្រី រ៉ូណា ស្មីត មិនអាចបញ្ជាក់ពិស្ដារអំពីខ្លឹមសារនៃកិច្ចប្រជុំនេះទេ ដោយថ្លែងខ្លីថា អ្នកស្រីនឹងត្រូវជួបអ្នកពាក់ព័ន្ធជាច្រើនទៀតក្នុងទស្សនកិច្ចរបស់អ្នកស្រីជាលើកទីបួននេះ៕