អបអរសាទរនឹងភាពជោគជ័យក្នុងជំនួបចរចារបស់បុរសខ្លាំងហ៊ុនសែន ជាមួយភាគីលាវ ដោយនៅវេលាម៉ោងជាង ២រសៀលនេះ លាវបានដកកងទ័ព ៣កងពលហើយ នៅសល់តែ១កងពល
Fresh News ៖ នាយឧត្តមសេនីយ៍ គន់ គីម អគ្គមេបញ្ជាការង នៃកងយោធពលខេមរភូមិន្ទ និងជានាយរងសេនាធិការចំរុះ បានប្រាប់បណ្តាញព័ត៌មាន Fresh News នៅមុននេះបន្តិចថា គិតត្រឹមម៉ោងប្រមាណ២៖៣០នាទីរសៀលថ្ងៃទី១២ ខែសីហា ឆ្នាំ២០១៧នេះ ភាគីឡាវបានដកទ័ពកងទី៣ ចេញពីទឹកដីកម្ពុជារួចអស់ហើយ ពោលនៅសល់តែ១កងទៀតប៉ុណ្ណោះ ក្នុងចំណោម៤កង ដែលពួកគេបានចូលមកឈ្លានពាននោះ។
នាយឧត្តមសេនីយ៍ គន់ គីម បានបញ្ជាក់យ៉ាងដូច្នេះថា «មកដល់ម៉ោងជាង២រសៀលថ្ងៃនេះ ឡាវបានដកមួយកងចេញទៀតហើយ ហើយភូមិសាស្ដ្រដែល កងទ័ពឡាវ បានដកចេញនេះ យើងបានទៅកាន់កាប់មើលខុសត្រូវថា កងទ័ពឡាវពិតជាបានដកទៅដីរបស់គាត់ហើយ ដូច្នេះនៅសល់១កងទៀត បាននិងកំពុងធ្វើការរុះរើចូលទៅក្នុងទឹកដីរបស់គាត់វិញ»។
នាយឧត្តមសេនីយ៍ គន់ គីម បានបន្តថា កងទ័ពកម្ពុជារបស់យើង ក៏បានជួយដឹកជញ្ជូនចានឆ្នាំង និងសម្ភាររបស់ពួកគេផងដែរ ហើយនឹងត្រូវដកចេញឲ្យអស់ត្រឹមព្រឹក ថ្ងៃស្អែកទី១៣ ខែសីហា តបតាមបទបញ្ជារបស់នាយករដ្ឋមន្ត្រីទាំងពីរ ដែលបានជួបចរចាគ្នាកាលពីព្រឹកថ្ងៃទី១២ ខែសីហា ឆ្នាំ២០១៧នេះ។
សូមបញ្ជាក់ថា ក្រោយបញ្ចប់ការចរចា សម្តេចតេជោ ហ៊ុន សែន បានប្រកាសប្រាប់កងទ័ព និងប្រជាជនកម្ពុជាថា នាយករដ្ឋមន្ត្រីឡាវ បានយល់ព្រមដកកងទ័ព របស់ខ្លួន ចេញពីទឹកដីកម្ពុជា មិនឲ្យលើសពីព្រឹកស្អែកនោះឡើយ៕
អត្ថបទ៖ Fresh News Via angrut
**ចំណែកពីហ្វេសប៊ុករបស់សម្ដេចតេជោ ហ៊ុន សែន អញ្ជើញដឹកនាគណៈប្រតិភូមកដល់កម្ពុជាវិញហើយ
Samdech Hun Sen, Cambodian Prime Minister៖ សម្ដេចតេជោ ហ៊ុន សែន អញ្ជើញដឹកនាគណៈប្រតិភូមកដល់កម្ពុជាវិញដោយសុវត្ថិភាព
នៅមុននេះបន្តិច សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់មកដល់កម្ពុជាវិញដោយសុវត្ថិភាពហើយ បន្ទាប់ពីបានអញ្ជើញជួបពិភាក្សាពិសេសជាមួយប្រមុខដឹកនាំប្រទេសឡាវ ដើម្បីដោះស្រាយបញ្ហាកងទ័ពឡាវចូលមកលើទឹកដីកម្ពុជាកាលពេលថ្មីៗនេះ។ ជំនួបថ្នាក់ដឹកនាំនៃប្រទេសទាំងពីរនាពេលនេះគឺទទួលលទ្ធផលផ្លែផ្កាគួរជាទីមោទនៈ និងបានបង្ហាញនូវទំនាក់ទំនងដ៏ជិតស្និទ្ធ និងកិច្ចសហប្រតិបត្តិការដ៏ល្អ ក្នុងនាមជាប្រទេសភូមិផងរបងជាមួយគ្នា ដើម្បីការពារផលប្រយោជន៍រួម របស់ប្រជាពលរដ្ឋ និងផលប្រយោជន៍ប្រទេសទាំងពីរ៕
សូមជូនបងប្អូនប្រជាពលរដ្ឋទាំងអស់ទទួលបានសេចក្ដីសុខ សុភមង្គល គ្រប់ៗគ្នា៕
ព័ត៌មានទាក់ទង ៖ ស្ថានការណ៍នៅព្រំដែនកម្ពុជា-លាវកំពុងតែក្ដៅគគុក ដោយវេលាម៉ោងជាង៩យប់នេះ កងកម្លំាងកម្ពុជា-លាវ ប្រុងជើងការណ៍ត្រៀមព្រមច្បាំងរៀងៗខ្លួន !!
ព័ត៌មានបន្ទាន់! កងទ័ពកម្ពុជាចាប់ផ្តើមចេញដំណើរទៅច្បាំងបណ្តេញកងទ័ពឡាវឈ្លានពានទឹកដី!!
អ្វីជាមូលហេតុដែលធ្វើឱ្យរដ្ឋាភិបាលយោធាលាវ ចិត្តសឿងហ៊ានលើកកម្លាំងកងពាន់ រាប់កងពាន់ មកវាយបុកឈ្លានពានទឹកដីរបស់កម្ពុជាទាំងកំរោល ដោយមិនក្រែងចិត្តនិងខ្លាចបុរសខ្លាំងហ៊ុន សែនអ្វីបន្តិចណាឡើយ?
No comments:
Post a Comment