ទំព័រសិក្សា៖ គម្លាតរវាង លទ្ធិប្រជាធិប​តេយ្យ​​ដោយផ្ទាល់ និង លទ្ធិ​ប្រជាធិប​តេយ្យ​ដោយតំណាង ដោយ មេធាវី សុក សំអឿន

រូបថតពីហ្វេសប៊ុកលោក Sok Sam Oeun

ទំព័រសិក្សា៖ គម្លាតរវាង លទ្ធិប្រជាធិប​តេយ្យ​​ដោយផ្ទាល់ និង លទ្ធិ​ប្រជាធិប​តេយ្យ​ដោយតំណាង ដោយ មេធាវី សុក សំអឿន

ដោយសារ សមាជិកក្នុងសហគមន៍កាន់តែធំ លទ្ធិប្រជាធិបតេយ្យដោយផ្ទាល់ក៏វិវត្តមកជា លទ្ធិប្រជា​ធិបតេយ្យតំណាង​ ដោយមានគោលបំណងនៅតែរក្សាប្រសិទ្ធិភាពនៃសំលេងរបស់សមាជិកក្នុង​សហ គមន៍ដដែល។ ប៉ុន្តែបន្តិចម្តងៗ លទ្ធិប្រជាធិបតេយ្យតំណាងតាមរដ្ឋខ្លះ បានខិតទៅរកការគ្រប់គ្រងដោយ​អ្នកមាន​អំណាច​មួយ​ក្រុម ឬក៏ឈានទៅរកការគ្រប់គ្រងដោយមនុស្សផ្តាច់ការម្នាក់ ។ដើម្បីការពារការធ្លាក់ចុះនៃលទ្ធិប្រជាធិបតេយ្យតំណាង មានវិធានការមួយចំនួនត្រូវបានបង្កើតឡើង​មានដូចជា៖

១. បើកចំហរឲ្យមានការចូលរួមពីសាធារណៈជន ពេលធ្វើច្បាប់ (មានអនុវត្តចំពោះច្បាប់ខ្លះកន្លង​មក),

២. ប្រកាន់គោលការណ៍ពហុបក្ស ដោយត្រូវតែមានតំណាងរាស្រ្តយ៉ាងតិចពីរបក្ស ចូលរួមអនុម័ត​ច្បាប់,

៣. ត្រូវមានច្បាប់កំណត់ទុកពេលឲ្យតំណាងរាស្រ្តម្នាក់ៗពិគ្រោះច្បាប់ ប្រមូលពត៌មានពីរាស្រ្តក្នុង មណ្ឌលរបស់គេ មុននឹងដាក់ច្បាប់អនុម័ត,

៤. ការកែប្រែគោលការណ៍ធំៗខ្លះ ត្រូវតែធ្វើតាមរយៈការបោះឆ្នោតប្រជាមតិ (ក្នុងរដ្ឋធម្មនុញ្ញយើង​មិន​មានចែងទេ)។ល។

វិធានខាងលើ គឺជាវិធីខ្លះៗ ដែលអាចធ្វើឲ្យ លទ្ធិប្រជាធិបតេយ្យតំណាង មិនឃ្លាតឆ្ងាយពី​ប្រជាធិប​តេយ្យ​ដោយផ្ទាល់ពេក និង ការពារមិនឲ្យធ្លាក់ទៅក្នុង លទ្ធិប្រជាធិបតេយ្យផ្តាច់ការ។

មេធាវី សុក សំអឿន (អ្នកសិក្សាសង្គម ស្តីពីលទ្ធិប្រជាធិបតេយ្យ នៅសកលវិទ្យាល័យចក្រភពអង់​គ្លេស)

រូបថតពីហ្វេសប៊ុកលោក Sok Sam Oeun

ប្រភព៖​ ​ Sok Sam Oeun