កងទ័ពរដ្ឋាភិបាលមីយ៉ាន់ម៉ា បានប៉ះទង្គិចគ្នានឹងក្រុមក្បត់ប្រដាប់អាវុធជនជាតិ Rohingya នៅក្នុងតំបន់ភាគពាយព្យនៃរដ្ឋ Rakhine មានមនុស្សយ៉ាងតិច ៩៨ នាក់ត្រូវបានស្លាប់ និងជម្លៀសប្រជាជនដែលមិនមែនជាអ្នកកាន់សាសនាឥស្លាមជាង 4,000(បួនពាន់)នាក់ !
រដ្ឋាភិបាលមីយ៉ាន់ម៉ាបានឲ្យដឹងថា ខ្លួនបានជម្លៀសអ្នកភូមិដែលមិនមែនជាអ្នកកាន់សាសនាឥស្លាមយ៉ាងតិច ៤ ពាន់នាក់ ស្របពេលដែលមានការប៉ះទង្គិចគ្នាបន្តកើតឡើងនៅក្នុងតំបន់ភាគពាយព្យនៃរដ្ឋ Rakhine ដោយសារតែជនជាតិ Rohingya កាន់សាសនាឥស្លាមរាបពាន់នាក់បន្ថែមទៀតបានព្យាយាមរត់គេចឆ្លងព្រំដែនទៅកាន់ប្រទេសបង់ក្លាដែសនៅថ្ងៃអាទិត្យនេះ។
ចំនួនអ្នកស្លាប់ដោយសារអំពើហិង្សាដែលមានការជួយជ្រោមជ្រែងពីការវាយប្រហាររបស់ពួកបះបោរ Rohingya ដែលបានផ្ទុះឡើងកាលពីថ្ងៃសុក្រសប្ដាហ៍នេះ បានកើនឡើងរហូតដល់ ៩៨ នាក់ ដែលក្នុងនោះ មានពួកបះបោរចំនួន ៨០ នាក់ និងកងកម្លាំងសន្តិសុខរដ្ឋាភិបាលមីយ៉ាន់ម៉ាចំនួន ១២ នាក់ផងដែរ។ នេះបើយោងតាមការបញ្ជាក់របស់រដ្ឋាភិបាល។
ជនជាតិ Rohingya រាប់ពាន់នាក់ដែលភាគច្រើនជាស្ត្រី និងកុមារ បានព្យាយាមរត់គេចឆ្លងទន្លេ Naf ដែលខណ្ឌចែកប្រទេសមីយ៉ាន់ម៉ា និងប្រទេសបង់ក្លាដែស និងឆ្លងព្រំដែនដីគោក។
មនុស្សប្រហែល ២ ពាន់នាក់ បានឆ្លងចូលទៅកាន់ប្រទេសបង់ក្លាដែសរួចទៅហើយ ចាប់តាំងពីថ្ងៃសុក្រសប្ដាហ៍នេះមក។ នេះបើយោងតាមការប៉ាន់ប្រមាណរបស់ជនភៀសខ្លួន Rohingya ដែលរស់នៅជំរំបណ្ដោះអាសន្ននានានៅក្នុងប្រទេសបង់ក្លាដែស។
អំពើហិង្សានេះបង្ហាញឲ្យឃើញពីការរីករាលដាលនៃជម្លោះដែលបានកើតឡើងនៅក្នុងតំបន់ចាប់តាំងពីខែតុលាឆ្នាំមុនមកម្ល៉េះ ដែលនៅពេលនោះ ការវាយប្រហាររបស់ពួក Rohingya ស្រដៀងគ្នានេះដែរ ប៉ុន្តែក្នុងទ្រង់ទ្រាយតូចជាងនេះ បានបង្កឲ្យមានប្រតិបត្តិការឃោរឃៅពីសំណាក់យោធាមីយ៉ាន់ម៉ា៕
 |
| Displaced Rohingya people from Myanmar's northern Rakhine state are seen gathered at the border town of Ukhiya after Bangladeshi border guards stopped them from entering Bangladesh, on August 26, 2017. At least 98 people including a dozen security forces were killed as Rohingya militants besieged border posts in northern Rakhine State, Myanmar's authorities said on August 25, triggering a fresh exodus of refugees towards Bangladesh. / AFP PHOTO / STR |
ប្រភព ៖ វីអូអេខ្មែរ
No comments:
Post a Comment