BREAKING NEWS ព័ត៌មានរន្ធត់ចិត្តនឹងជីវិតគូខ្វះខន្តិធម៌ដំណើរជីវិតគូ ៖ បងប្រុសពិធីការិនី ខៀវ សានសាណា ដែលត្រូវជាក្មួយប្រុសអ្នកនាំពាក្យក្រសួងមហាផ្ទៃ បានបាញ់សម្លាប់ប្រពន្ធ រួចហើយបាញ់សម្លាប់ខ្លួនឯងតាមក្រោយ ព្រោះពលំអាឃាតប្រចណ្ឌ !!
(ភ្នំពេញ)៖ អធិការរងខណ្ឌមានជ័យលោក ហួរ ម៉េងវ៉ា បានថ្លែងប្រាប់បណ្តាញព័ត៌មាន ឲ្យដឹងមុននេះបន្តិចថា ពិតជាមានករណីប្តីខឹងប្រពន្ធ ព្រោះពលំអាឃាតប្រច័ណ្ឌអាចមានប្រុសផ្សេង រួចក៏ប្រើហិង្សាបាញ់ប្រហារប្រពន្ធតែម្ដង ! រួចហើយបាញ់សម្លាប់ខ្លួនឯងតាមក្រោយ ស្ថិតនៅក្នុងសង្កាត់បឹងទំពុន ខណ្ឌមានជ័យ។
ជនបង្កហិង្សាមានឈ្មោះថា លោក ខៀវ កូនែល ដែលត្រូវជាកូនបង្កើតរបស់លោក ខៀវ កូឡា អនុប្រធានការិយាល័យគណនី ដែលជាអ្នកស្និទ្ធស្នាលជាមួយឯកឧត្ដមស្នងការ លោកជួន សុវណ្ណ និងជនបង្កហិង្សារូបនេះ ក៏ត្រូវជាក្មួយប្រុសរបស់ លោកឯកឧត្ដម នាយឧត្តសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃផងដែរ ៕
**ប្រផ្នូលសារបង្ហោះក្នុងហ្វេសប៊ុកមុនបង្កហិង្សាចប់ជីវិតទាំងគូ !!
"មានមនុស្សតិចបំផុតដែលអាចអត់ធ្មត់នឹងភាពឆេវឆាវ គ្មានហេតុផលរបស់យើងបាន តែមានមនុស្សតែម្នាក់ប៉ុណ្ណោះ ដែលក្រៅពីអ្នកមានគុណយើង ដែលព្រមអភ័យអនុគ្រោះ ចំពោះកំហុសគ្រប់យ៉ាងរបស់យើង ព្រោះម្នាក់នោះជាមនុស្ស ដែលស្រឡាញ់យើងខ្លាំងជាងជីវិតរបស់គេ។"
ប្រភព ៖ ព័ត៌មានទាន់ហេតុការណ៍
---------------------------
មានពាក្យបង្រៀនប្រៀនប្រដៅនៅក្នុងព្រះពុទ្ធសាសនារឿង ឱឃៈ គឺ អន្លង់ៗ គឺ ឱឃៈ ជាអន្លង់ដែលសព្វសត្វមានអវិជ្ជាឆ្លងមិនបាន គឺត្រូវហែលវិលវល់ដូចហែលនៅក្នុងមហាសមុទ្រដ៏ធំធេង មិនមានកោះត្រើយជាទីពឹង បើមិនខំប្រឹងចម្រើនវិបស្សនាបញ្ញាទេ នឹងមិនអាចឆ្លងឱ្យរួចផុតពីអន្លង់នេះបានឡើយ គឺត្រូវវិលវល់កើតស្លាប់ក្នុងសង្សារវដ្ដ ជួបប្រសព្វទុក្ខទោសក្រៃក្រាស់ កាប់សម្លាប់បាញ់ប្រហារអាឃាតបៀតបៀនគ្នានិងគ្នាគ្មានទីបញ្ចប់ឡើយ ឱឃៈ គឺ អន្លង់ៗគឺ ឱឃៈ នេះមាន ៤យ៉ាង គឺ ៖
១. កាមោឃៈ អន្លង់គឺកាម
២. ភវោឃៈ អន្លង់គឺភព
៣. ទិដ្ឋោឃៈ អន្លង់គឺទិដ្ឋិ
៤. អវិជ្ជោឃៈ អន្លង់គឺអវិជ្ជា
----------------------------------
No comments:
Post a Comment