កក្រើកប្រឹថពី មេនាងធី សុវណ្ណថា រហ័សនាមល្បីរន្ទឺ "ថោក! ជួបប្ដឹង" ប្រកាសសង្គ្រាមជាមួយនឹងសមាជិកឃុំ-សង្កាត់គណបក្សសង្គ្រោះជាតិជាង៥ពាន់នាក់ ដែលមិនព្រមចុះចូលបក្សអសោចស៊ីភីភីរបស់ខ្លួន នឹងប្តឹងទៅតុលាកាឡ៍! អាចជាប្រតិបត្តិការណ៍បិទផ្លូវជីវិតរបស់នាង និងធ្វើអត្តឃាតខ្លួននាងឯងទេដឹង!?
សកម្មជនគណបក្សប្រជាជនកម្ពុជា មេនាងធី សុវណ្ណថា រហ័សនាមល្បីរន្ទឺ "ថោក! ជួបប្ដឹង" បានធ្វើអោយកក្រើកប្រឹថពី ដោយការប្រកាសសង្គ្រាមជាមួយនឹងសមាជិកឃុំ-សង្កាត់របស់គណបក្សសង្គ្រោះជាតិជាង៥ពាន់នាក់ ដែលគិតជាសំឡេងប្រជាពលរដ្ឋខ្មែរជាងកន្លះប្រទេស ដែលមិនព្រមចុះចូលបក្សអសោចស៊ីភីភីរបស់ខ្លួន នឹងប្តឹងទៅតុលាកាឡ៍! អាចជាប្រតិបត្តិការណ៍បិទផ្លូវជីវិតរបស់នាង និងធ្វើអត្តឃាតខ្លួននាងឯងទេដឹង!?
មេនាងធី សុវណ្ណថា សកម្មជនគណបក្សប្រជាជនកម្ពុជា បានចោទប្រកាន់ទៅលើមេឃុំ-សង្កាត់មកពីគណបក្សសង្រ្គោះជាតិប្រមាណជាជាង៥០០នាក់ថា បានចូលរួមប្រព្រឹត្តទង្វើក្បត់ជាតិ ។
បើយោងតាមមេនាងធី សុវណ្ណថា បានបញ្ជាក់អោយដឹងថា ការសម្រេចគ្រោងប្ដឹងមេឃុំមកពីគណបក្សសង្រ្គោះជាតិទាំង៥០០នាក់នៅទូទាំងប្រទេសនេះ ដោយសារតែក្រុមមេឃុំទាំងនេះមិនព្រមមកចុះ ចុលជាមួយនឹងរដ្ឋាភិបាលគណបក្សប្រជាជន តាមការប្រកាសបើកផ្លូវពីលោកនាយករដ្ឋមន្រ្តីបុរសខ្លាចហ៊ុន សែន ដែលជាប្រធាននៃគណបក្សក្ដោបក្ដាប់អំណាចមួយនេះ ។
មេនាងធី សុវណ្ណថា ដែលជាសកម្មជនហ្វេសប៊ុកធ្លាប់មានឈ្មោះល្បីដោយសារគាំទ្រគណបក្សសង្រ្គោះជាតិកន្លងមកនោះ បានថ្លែងលើកឡើងទៀតថា រហូតមកទល់នឹងពេលនេះ នាងកំពុងតែ ធ្វើការពិភាក្សា និងកំពុងសិក្សាផ្លូវច្បាប់ដើម្បីដាក់ពាក្យប្ដឹងមេឃុំទាំង៥០០នាក់នេះ ៖ « នាងខ្ញុំ ធី សុវណ្ណថា នឹងសិក្សាច្បាប់ ដើម្បីប្តឹងមេឃុំ ជំទប់ឃុំ ក្រុមប្រឹក្សាឃុំ ពីបក្សសង្គ្រោះជាតិ ជាង៥០០០នាក់ ទៅតុលាកាឡ៍ពីបទ “ចូលរួមក្បត់ជាតិ” តាមគំរូប្រទេសតួគី ដែលទើបតែចាប់ជនក្បត់ជាតិ
ជាង៥ម៉ឺននាក់ ដាក់គុក... » ។
នៅលើទំព័រគណនីបណ្ដាញទំនាក់ទំនងសង្គមហ្វេសប៊ុក របស់មេនាងធីធី សុវណ្ណថា កាលពីថ្ងៃទី១១ វិច្ឆិកា ម្សិលមិញនេះ បានចោទប្រកាន់មេឃុំ-សង្កាត់មកពីគណបក្សសង្រ្គោះជាតិទាំងជាង៥០០នាក់ថា ជាក្រុមថោកទាប ពីព្រោះអ្នកទាំងនោះមិនព្រមមករួមរស់ ជីវភាពនយោបាយជាមួយនឹងបក្សប្រជាជន ។ សកម្មជនបក្សប្រជាជនរូបនេះបានអះអាងថា ទង្វើទាំងនេះ គឺប្រៀបបាន ទៅនឹងការចូលរួមប្រព្រឹត្តទង្វើក្បត់ជាតិជាមួយនឹងលោក កឹម សុខា ដែរ ។
មេនាងធីធី សុវណ្ណថា បានអោយដឹងបន្ថែមបែបនេះទៀតថា៖ មន្ត្រីឃុំCNRP “ថោកទាបណាស់” ព្រោះតែផលប្រយោជន៍បក្ស សុខចិត្តក្បត់ឆន្ទ:ប្រជាជន ដែលប្រជាជនខំបោះឆ្នោតជូន ដើម្បីឲ្យពួកអស់លោក បំរើប្រជាជន ជួយការពារប្រជាជន មិនមែនបំរើបក្សទេ ។ ថ្ងៃក្រោយពេលរាស្ត្រមានទុក្ខលំបាក ពួកអស់លោកក៏គ្មានតំណែង តើពួកអស់លោកជួយរាស្ត្របានទេ? ព្រោះតែចង់រក្សាឈ្មោះជា “អ្នកស្នេហាជាតិ” បែរជាពួកអស់លោកមិនព្រមរក្សាតំណែង ដើម្បីជួយបំរើជាតិបំរើការពារប្រជាជន នេះរឺអ្នកស្នេហាជាតិ? សូមពិចារណា ពួកអស់លោកនៅតែគាំទ្រ និងចូលរួមជាមួយ CNRP នេះបញ្ជាក់ថា ពួកអស់លោកក៏ចូលរួម “ក្បត់ជាតិ” ដែរ » ។
សូមគូសបញ្ជាក់អោយជម្រាបថា ចាប់តាំងពីមានការអំពាវនាវពីលោកនាយកដ្ឋមន្រ្តីបុរសខ្លាចហ៊ុន សែន អោយសមាជិករបស់គណបក្សប្រឆាំងចុះចូលមក មន្រ្តីរបស់គណបក្សសង្រ្គោះជាតិ បានអះអាងថា មានសមាជិកត្រឹមតែជាង៤០រូបប៉ុណ្ណោះដែលបានលាលែងចេញពីគណបក្សសង្រ្គោះជាតិ នឹងទៅចុះចូលជាមួយនឹងបក្សប្រជាជនសែនអសោច។ ប៉ុន្តែសារព័ត៌មានគាំទ្ររដ្ឋាភិបាលបែរជាចុះផ្សាយថា មានចំនួនជាង១០០នាក់ទៅ ហើយ ៕
No comments:
Post a Comment