លោក រ៉ុង ឈុន តាមរក្សាសទ្ទសត្យ នឹងដាក់ពាក្យលាលែងពី គ.ជ.ប! ក្លាយជាចមបុរស សច្ចវាទី បន្ទាប់ពី សច្ចវាទី វីរបណ្ឌិត កែម ឡី-Rong Chhun to resign from National Election Committee
បន្ទាប់ពីតុលាកាឡ៍កំពូល និងពួកម៉ាហ្វីយ៉ាស៊ីភីភី បានប្រកាសសាលដីកាឡ៍សម្រេចឱ្យរំលាយគណបក្សសង្រ្គោះជាតិហើយ។ ជាមួយគ្នានេះតុលាកាឡ៍កំពូលក៏បានប្រកាសហាមឃាត់ដល់មន្រ្តីថ្នាក់ដឹកនាំគណបក្សសង្រ្គោះជាតិ ចំនួន ១១៨នាក់ មិនឱ្យធ្វើនយោបាយ រយៈពេល៥ឆ្នាំ ។
លោក រ៉ុង ឈុន សមាជិក ១រូប ក្នុងចំណោមសមាជិកទាំង ៩រូបរបស់គណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងប្រាប់សារព័ត៌មានថ្មីៗនៅព្រឹកថ្ងៃសុក្រនេះថា លោកនឹងដាក់ពាក្យលាលែងពី គ.ជ.ប នៅពេលដែលឃើញសាលដីកាឡ៍របស់តុលាកាឡ៍កំពូលស្តីពីការរំលាយគណបក្សសង្គ្រោះជាតិ។
មុនចូលទៅរថយន្តរបស់ខ្លួន លោក រ៉ុង ឈុន អតីតមេដឹកនាំសហជីព និងអតីតប្រធានសមាគមគ្រូបង្រៀនឯករាជ្យកម្ពុជាដ៏ល្បីល្បាញ រូបនេះ បានបញ្ជាក់ប្រាប់ថា លោករក្សាជំហរតាំងពីដើមមក ដោយចង់ឃើញវត្តមានគណបក្សប្រឆាំងក្នុងការបោះឆ្នោត នៅឆ្នាំ ២០១៨ ខាងមុខនេះ។
គួសបញ្ជាក់ផងដែរថា លោក រ៉ុង ឈុន បានក្លាយជាសមាជិក គ.ជ.ប តាមកូតារបស់ គណបក្សសង្គ្រោះជាតិ នៅដើមឆ្នាំ២០១៥ កន្លងទៅ។ គណៈកម្មាធិការជាតិរៀបចំការបោះឆ្នោត (គ.ជ.ប) មានសមាជិក ៩រូប ដែល ៤រូប មកពីគណបក្សសង្គ្រោះជាតិ, ៤ រូបមកពីគណបក្សប្រជាជនកម្ពុជា និង ១រូបទៀត មកពីស្ថាប័នឯករាជ្យ (សង្គមស៊ីវិល)៕
No comments:
Post a Comment