បណ្ឌិត សុខ ទូច (រហ័សនាមល្បីរន្ទឺក្នុងបណ្ដាញសង្គមគឺ បណ្ឌិតគ្រៀវជ្រូក) ឡើងជាប្រធានរាជបណ្ឌិត្យសភាកម្ពុជា ឋានៈស្មើរដ្ឋមន្ត្រី

លោក សុខ ទូច ដែលមានគោរមងារជាបណ្ឌិតសភាចារ្យ បានឡើងឋានៈពីអនុប្រធានទៅជាប្រធានរាជបណ្ឌិត្យសភាកម្ពុជាជំនួសលោកស្រី ខ្លូត ធីតា ដែលមានឋានៈស្មើរដ្ឋមន្ត្រី។ នេះបើតាមព្រះរាជក្រឹត្យ ដែលចុះហត្ថលេខាដោយសម្តេច សាយ ឈុំ ប្រមុខរដ្ឋស្តីទី នាថ្ងៃទី២៩ ខែកក្កដា ឆ្នាំ២០១៧ ។

ជាមួយគ្នានេះផងដែរ លោកស្រី ខ្លូត ធីតា ដែលជាទីប្រឹក្សាផ្ទាល់របស់សម្តេចនាយករដ្ឋមន្ត្រី ហ៊ុន សែន ផងដែរនោះ ត្រូវបានដំឡើងឋានៈ ស្មើទេសរដ្ឋមន្ត្រី៕