loading...
គិតមើលឱ្យច្បាស់ទៅក្នុងរបបសែន ប្រព័ន្ធស្ថាប័នរដ្ឋដូចជាគ្មានមួយណាច្បាស់លាស់ឡើយ នេះជាតួយ៉ាងប្រចក្ស បុគ្គលគ្មានអំណាចក្នុងស្ថាប័នរដ្ឋ តែមានអំណាចមានអភិសិទ្ធិ ទៅតែងតាំងមន្ត្រីប្រចាំឃុំចំនួន ១០០នាក់ សំរាប់គម្រោងអភិវឌ្ឍន៍ ភូមិ ឃុំ ជាតួយ៉ាង!ភ្នំពេញ៖ កាលពីថ្ងៃទី០៦ ខែឧសភា ឆ្នាំ២០១៧ កញ្ញា ធី សុវណ្ណាថា ប្រធានអង្គការយុវជនកិច្ចការសង្គម បានចូលរួមប្រកាសតែងតាំងមន្ត្រី របស់អង្គការយុវជនកិច្ចការសង្គម ប្រចាំឃុំចំនួន ១០០នាក់ សម្រាប់គម្រោងអភិវឌ្ឍន៍ ភូមិ ឃុំ ឆ្នាំ២០១៧-២០១៨ ដែលពិធីនេះរៀបចំឡើងនៅទីស្នាក់ការកណ្ដាលរបស់អង្គការ។
ថ្លែងនៅក្នុងពិធិនោះ កញ្ញា ធី សុវណ្ណាថា បានលើកឡើងថា សកម្មភាពរបស់អង្គការ ក្នុងរយៈពេលជាងមួយឆ្នាំនេះ ហាក់ដូចជាមិនធំធេងណាស់ណាទេ តែបានច្រើនកន្លែងដូចជា ការធ្វើផ្លូវ ការជួសជុលផ្លូវ និងធ្វើទំនប់ទឹកជាដើម ដែលគម្រោងនេះមិនធំទេ តែមានសារសំខាន់សម្រាប់ប្រជាពលរដ្ឋ មានតម្លៃសម្រាប់ជីវភាពរបស់ប្រជាពលរដ្ឋ។
កញ្ញាបន្តថា ការចូលរួមនៅក្នុងអង្គការនេះ គឺជាក្រុមគ្រួសារតែមួយ ហើយឆ្លើយតបទៅនឹងសំណួរថា តើចង់ឲ្យអង្គការមានការរីកចម្រើនជាងនេះដែរ ឬទេ ? ប្រជាពលរដ្ឋបានឆ្លើយថា ពិតជាចង់ ដើម្បីមានការរីកចម្រើននៅក្នុងភូមិ ឃុំ៕
loading...
ប្រភព : កម្ពុជាថ្មី
No comments:
Post a Comment