បេសសកម្ម១០០រាត្រីរបស់លោក វីរបណ្ឌិត កែម ឡី៖ ជនជាតិយួនជាងបួនម៉ឺននាក់ កំពុងរស់នៅជុំវិញបឹងទន្លេសាប ជាអន្តោប្រវេសន៍ខុសច្បាប់!!
loading...
ក្រុមយុវជនដែលបន្តបេសសកម្ម១០០រាត្រីរបស់លោកបណ្ឌិតកែម ឡី បានចុះស្រាវជ្រាវអំពីអន្តោប្រវេសន៍ខុសច្បាប់ និងជីវភាព ស្ថានភាពពលរដ្ឋ ដែលរស់នៅជុំបឹងទន្លេសាប។ នៅក្នុងដំណើរសិក្សា នោះ ពួកគេបានរកឃើញថា មានជនអន្តោប្រវេសន៍វៀតណាមប្រមាណជាង៤ម៉ឺននាក់ កំពុងរស់នៅជុំវិញបឹងទន្លេសាប ព្រមទាំងប្រើប្រាស់ឧបករណ៍នេសាទខុសច្បាប់ផងដែរ។ ប៉ុន្តែសម្រាប់អគ្គនាយកដ្ឋានអន្តោប្រវេសន៍ បដិសេធមិនអាចទទួលយករបាយការណ៍របស់ក្រុមយុវជន ដោយអះអាងថា គ្រាន់តែជារបាយការណ៍យុវជនមួយក្រុមតូច មិនដូចជារបាយការណ៍របស់រដ្ឋាភិបាល។
លោកមួង សូនី ប្រធានសមាគមសម្ព័ន្ធនិស្សិតបញ្ញវន្តខ្មែរ និងជាសមាជិកក្រុមបេសសកម្ម១០០រាត្រីរបស់លោកបណ្ឌិតកែម ឡី បានថ្លែងថា បេសសកម្ម១០០រាត្រី ក្នុងរាត្រី២៣ ២៤ ២៥ នៃដំណើរសិក្សាជុំវិញបឹងទន្លេសាប បានរកឃើញថា ត្រីជាង៧០ទៅ៨០ភាគរយ ក្នុងបឹងទន្លេសាបខ្មែរត្រូវបានជនអន្តោប្រវេសន៍វៀតណាមប្រមូលផល ក្នុងចន្លោះឆ្នាំ១៩៨០ដល់ឆ្នាំ២០១៧។ ក្រៅពីនោះ ក្រុមលោកសង្កេតឃើញថា មានប្រជាជនវៀតណាម រស់នៅជុំវិញបឹងទន្លេសាបមានប្រមាណ ៤ពាន់ទៅ៥ពាន់គ្រួសារ ស្មើពី៣៥០០០ទៅ៤៥០០០នាក់។
បើតាមលោកមួង សូនី បានបន្ថែមទៀតថា អាជ្ញាធរខ្មែរមិនអាចគ្រប់គ្រងជនអន្តោប្រវេសន៍វៀតណាមបានទេ ព្រោះថា ជនជាតិវៀតណាមទាំងអស់នោះ មានរចនាសម្ព័ន្ឋច្បាស់លាស់ គេស្តាប់សមាគមគេតែប៉ុណ្ណោះ ហើយពលរដ្ឋវៀតណាមធ្វើដំណើចររាចរណ៍ចល័ត ទៅមកក៏មិនដែលរាយការណ៍ជូនអជ្ញាធរខ្មែរដែរ។
យ៉ាងណាក្តី ចំពោះរបាយការណ៍ខាងលើនេះ ត្រូវបានអគ្គនាយកដ្ឋានអន្តោប្រវេសន៍បដិសេធមិនអាចទទួលយកបាន ព្រោះថាគ្រាន់តែជារបាយការណ៍យុវជនមួយក្រុមតូច។ លោកកែវ សារិន ប្រធាននាយកដ្ឋានរដ្ឋបាលសរុបនៃអគ្គនាយកដ្ឋានអន្តោប្រវេសន៍ បានអះអាងថា បច្ចុប្បន្នរដ្ឋាភិបាលកំពុងតែសិក្សាស្រាវជ្រាវ ដូច្នេះលោកមិនទាន់បញ្ជាក់ពីចំនួនជាក់លាក់ទេ។ ចំណែករបាយការណ៍របស់ក្រុមយុវជនមិនអាចយកជាការបានទេ។ អគ្គនាយកដ្ឋានអន្តោប្រវេសន៍ បានបញ្ជាក់ថា របាយការណ៍ជាក់លាក់ រដ្ឋាភិបាលនឹងចុះផ្សាយនៅចុងខែឧសភានេះ៕
loading...
ប្រភព : វាយោ vayofm
No comments:
Post a Comment