ខ្មែរ សុវណ្ណភូមិ៖ នេះជាទោសក្បត់ជាតិជាក់ស្តែង ព្រោះទង្វើនេះស្មើនឹងការអោនក្បាល និងពឹងបរទេសឲ្យមកជ្រៀតជ្រែកកិច្ចការផ្ទៃក្នុងកម្ពុជាពិត! (មើលទៅសែនហ៊ុន កំពុងតែភ័យខ្លាចស្រមោលខ្លួនឯងយ៉ាងខ្លាំង ទាំងមិនទុកចិត្តទាហានខ្មែរ ចង់ប្រើទាហានយួនសម្លាប់ទាហានខ្មែរនិងប្រជាពលរដ្ឋខ្មែរទៀតឬ?)
ទាក់ទងទៅនឹងករណីលោក ហ៊ុន សែន ស្នើឲ្យប្រទេសវៀតណាម ជួយផ្ដល់ព័ត៌មាន និងចែករំលែកបទពិសោធន៍នៃការប្រយុទ្ធប្រឆាំងបដិវត្តន៍ពណ៌ដល់កម្ពុជា។
លោកប៉ាង សុខឿន ហៅ «ខ្មែរ សុវណ្ណភូមិ» អតីតប្រធានចលនានិស្សិតដើម្បីលទ្ធិប្រជាធិបតេយ្យ បានបញ្ចេញទស្សនៈ តាមរយៈបណ្ដាញទំនាក់ទំនងសង្គមហ្វេសប៊ុករបស់លោក មានយ៉ាងដូច្នេះថា៖
នេះជាទោសក្បត់ជាតិជាក់ស្តែង ព្រោះទង្វើនេះស្មើនឹងការអោនក្បាល និងពឹងបរទេសឲ្យមកជ្រៀតជ្រែកកិច្ចការផ្ទៃក្នុងកម្ពុជាពិត!
អ៊ាង សុផល្លែត៖ «សម្តេច ហ៊ុន សែន បានស្នើក្រសួងការពារជាតិវៀតណាមសហការប្រឆំាងចលនាបដិវត្តន៍ព៌ណនៅកម្ពុជា»។
តាមលោក អ៊ាង សុផល្លែត ជំនួយការផ្ទាល់លោកប្រមុខរាជរដ្ឋាភិបាលខ្មែរ (ខុសច្បាប់) ដែលប្រាប់ក្រុមអ្នកកាសែតនៅក្រោយជំនួបរវាងហ៊ុន សែន និង ង្វៀន ជីវិញ (Nguyen Chivinh) អនុរដ្ឋមន្ត្រីក្រសួងការពារជាតិនៃសាធារណរដ្ឋសង្គមនិយមវៀតណាម នៅវិមានសន្តិភាព នាព្រឹកថ្ងៃព្រហស្បតិ៍ ៤កើត ខែបុស្ស ឆ្នាំ រកា នព្វស័ក ព.ស២៥៦១ ត្រូវនឹងថ្ងៃទី២១ ខែធ្នូ ឆ្នាំ២០១៧នេះ។
លោកហ៊ុន សែន ទើបតែម្ងៃនោះសោះសរសេរថា៖ «ស្អប់ណាស់ការឈ្លានពានរបស់បរទេសមកលើបូរណភាពទឹកដី និងអធិបតេយ្យជាតិ»។
ដល់លឺលោក សម រង្ស៊ីសូមឲទាហានខ្មែរក៊ំបែចុងកាណុងកាំភ្លើងដាក់រាស្រ្តខ្មែរគឺបែដាក់អ្នកបញ្ជាវិញ...ស្រាប់តែ...ឆ្លើយតបទៅនឹង លោក សម រង្ស៊ីវិញ លោក ហ៊ុន សែន ស្នើឲក្រសួងការពារជាតិយួនជួយការពារ និងកំទេចបដិវត្តន៍ពណ៌នៅកម្ពុជា មើលទៅប្រហែលជាគាត់(ហ៊ុន សែន)មិនទុកចិត្តទាហានខ្មែរមិនហានសំលាប់ខ្មែរទេដឹង???...
តើលោកអ្នកចង់ដឹងទេថា៖
១) តើរាស្រ្តខ្មែរសុខចិត្តស្លាប់នៅក្រោមចុងកាណុងទាហានខ្មែរ ឬទាហានយួន?...
២) តើសហគមន៍អន្តរជាតិសុខចិត្តឈរឱបដៃមើលឧក្រិដ្ឋកម្មប្រល័យពូជសាសន៍បែបនេះដែរឬទេ?...សូមតាមដានមើលទាំងអស់គ្នា។
ទាក់ទងទៅនឹងករណីលោក ហ៊ុន សែន ស្នើឲ្យប្រទេសវៀតណាម ជួយផ្ដល់ព័ត៌មាន និងចែករំលែកបទពិសោធន៍នៃការប្រយុទ្ធប្រឆាំងបដិវត្តន៍ពណ៌ដល់កម្ពុជា ព័ត៌មានលម្អិតពីវិទ្យុអាស៊ីសេរី មានដូចខាងក្រោមនេះ៖
លោកនាយករដ្ឋមន្ត្រី ហ៊ុន សែន ស្នើឲ្យប្រទេសវៀតណាម ជួយផ្ដល់ព័ត៌មាន និងចែករំលែកបទពិសោធន៍នៃការប្រយុទ្ធប្រឆាំងបដិវត្តន៍ពណ៌ដល់កម្ពុជា។ រីឯអ្នកវិភាគយល់ថា លោក ហ៊ុន សែន កំពុងតែភ័យខ្លាចបាត់បង់អំណាចតាមរយៈការបោះឆ្នោត ទើបពង្រឹងកិច្ចសហការជាមួយប្រទេសកុម្មុយនិស្តដើម្បីកម្ចាត់ក្រុមអ្នករិះគន់ និងបក្សប្រឆាំង ក្រោមការចោទថា បដិវត្តន៍ពណ៌។
ការស្នើសុំឲ្យវៀតណាម ជួយបណ្ដុះបណ្ដាល ផ្តល់ព័ត៌មាន និងចែករំលែកទៅវិញទៅមកអំពីបទពិសោធន៍នៃការប្រយុទ្ធប្រឆាំងបដិវត្តន៍ពណ៌នេះ គឺធ្វើឡើងក្នុងជំនួបពិភាក្សាការងាររវាងលោកនាយករដ្ឋមន្ត្រី ហ៊ុន សែន និងអនុរដ្ឋមន្ត្រីក្រសួងការពារជាតិ វៀតណាម លោក ង្វៀន ជីវិញ (Nguyen Chivinh) នៅថ្ងៃទី២១ ខែធ្នូ នាវិមានសន្តិភាព រាជធានីភ្នំពេញ។
លោក ង្វៀន ជីវិញ កំពុងបំពេញទស្សនកិច្ចរយៈពេល៣ថ្ងៃនៅកម្ពុជា ចាប់ពីថ្ងៃទី២០ ដល់ថ្ងៃទី២២ ធ្នូ ឆ្នាំ២០១៧ នេះ។ ទាក់ទងនឹងការចែករំលែកបទពិសោធន៍នៃយុទ្ធសាស្ត្រកម្ទេចបដិវត្តន៍ពណ៌នេះ អនុរដ្ឋមន្ត្រីក្រសួងការពារជាតិវៀតណាម ក៏បានជួបពិភាក្សាគ្នាជាមួយរដ្ឋមន្ត្រីការពារជាតិកម្ពុជា លោក ទៀ បាញ់ ដែរ នៅល្ងាចថ្ងៃទី២១ ខែធ្នូ។
ក្រៅពីនេះ ភាគីទាំងពីរក៏បានលើកឡើងដែរទាក់ទងនឹងការបណ្ដុះបណ្ដាលធនធានមនុស្ស កិច្ចសហប្រតិបត្តិការវិស័យយោធា កិច្ចសហប្រតិបត្តិការល្បាតលើដែនសមុទ្រ កិច្ចសហប្រតិបត្តិការលើការការពារនៅតាមព្រំដែន ព្រមទាំងជំរុញនូវកិច្ចសហប្រតិបត្តិការលើវិស័យវប្បធម៌ និងសេដ្ឋកិច្ចរវាងប្រទេសទាំង ៤ រួមមាន កម្ពុជា ឡាវ វៀតណាម និងប្រទេសចិន។
អ្នកវិភាគឯករាជ្យ លោកបណ្ឌិត ឡៅ ម៉ុងហៃ មានប្រសាសន៍ថា លោក ហ៊ុន សែន កំពុងតែភ័យខ្លាចបាត់បង់អំណាចយ៉ាងខ្លាំង ដូច្នេះហើយទើបលោកចាត់ទុកការប្រើប្រាស់សិទ្ធិមនុស្ស និងលទ្ធិប្រជាធិបតេយ្យដើម្បីផ្លាស់ប្ដូររដ្ឋាភិបាលតាមរយៈសន្លឹកឆ្នោតនោះថា ជាអំពើបដិវត្តន៍ពណ៌ទៅវិញ ហើយខំប្រឹងសហការជាមួយប្រទេសកុម្មុយនិស្ត ដូចជាចិន និងវៀតណាម ជាដើម៖ «»។
បន្ទាប់ពីគណបក្សប្រជាជនកម្ពុជា បាត់បង់សំឡេងឆ្នោតយ៉ាងសន្ធឹកសន្ធាប់ទៅលើបក្សប្រឆាំង និងប្រឈមការបាត់បង់អំណាចនោះ លោក ហ៊ុន សែន ដែលកាន់អំណាចជាងបីទសវត្សមកហើយនេះ បានប្រើនយោបាយចោទប្រកាន់តាមទំនើងចិត្តលើគណបក្សសង្គ្រោះជាតិ ក្រុមអង្គការសង្គមស៊ីវិល និងប្រព័ន្ធផ្សព្វផ្សាយឯករាជ្យ ថាបានឃុបឃិតគ្នាធ្វើបដិវត្តន៍ពណ៌ដោយមានបំណងផ្ដួលរំលំរដ្ឋាភិបាលតាំងពីឆ្នាំ២០១៣ ក្រោមរូបភាពនៃការធ្វើបាតុកម្មដោយមានសហរដ្ឋអាមេរិក នៅពីក្រោយ។
បន្ទាប់មក នៅក្រោយការបោះឆ្នោតឃុំ-សង្កាត់ ឆ្នាំ២០១៧ នេះ លោក ហ៊ុន សែន បានចាប់ផ្តើមបង្ក្រាបយ៉ាងចាស់ដៃជាបន្តបន្ទាប់ដូចជាការចាប់លោក កឹម សុខា ដាក់ពន្ធនាគារ ហើយប្ដឹងរំលាយបក្សសង្គ្រោះជាតិ បិទអង្គការសង្គមស៊ីវិល និងប្រព័ន្ធផ្សព្វផ្សាយឯករាជ្យជាដើម។
ទោះយ៉ាងណា គណបក្សប្រឆាំង អង្គការសង្គមស៊ីវិល និងសហគមន៍អន្តរជាតិ បានបដិសេធចំពោះការចោទប្រកាន់ និងបានថ្កោលទោសយ៉ាងខ្លាំងចំពោះចំណាត់ការរបស់រដ្ឋាភិបាល ព្រោះពួកគេចាត់ទុកថា វាជាលេសកម្ចាត់សំឡេងក្រុមអ្នករិះគន់ និងគណបក្សប្រឆាំងចោលនៅមុនការបោះឆ្នោតជាតិ ឆ្នាំ២០១៨ ក្នុងបំណងក្ដោបក្ដាប់អំណាចតទៅទៀត។ សហរដ្ឋអាមេរិក និងសហគមន៍អឺរ៉ុប បានដាក់ទណ្ឌកម្មលើរដ្ឋាភិបាលលោក ហ៊ុន សែន ជាបន្តបន្ទាប់។
លោកបណ្ឌិត ឡៅ ម៉ុងហៃ លើកឡើងថា ប្រសិនបើរដ្ឋាភិបាលប្រកាន់លទ្ធិប្រជាធិបតេយ្យសេរីពហុបក្ស គោរពច្បាប់ និងសិទ្ធិមនុស្ស គឺរដ្ឋាភិបាលត្រូវឈប់គិតអំពីរឿងបដិវត្តន៍ពណ៌ ព្រោះប្រទេសសេរី គ្មានច្បាប់ណាអនុញ្ញាតអោយប្រើកងកម្លាំងបង្ក្រាបលើបដិវត្តន៍ពណ៌នោះឡើយ ពោលគឺមានតែប្រទេសកុម្មុយនិស្តនោះទេ។ លោកថា រដ្ឋាភិបាលត្រូវតែគោរពរដ្ឋធម្មនុញ្ញ ច្បាប់ជាតិ កតិកាសញ្ញា និងអនុសញ្ញាអន្តរជាតិនានា ដែលបានទទួលស្គាល់ថា ជាច្បាប់របស់ខ្លួន។ ទន្ទឹមគ្នានេះ ដើម្បីកុំឲ្យមានបដិវត្តន៍ពណ៌ រដ្ឋាភិបាលត្រូវធានាឲ្យមាននីតិរដ្ឋ តុលាការឯករាជ្យ និងយុត្តិធម៌-សង្គមជាដើម។
កម្ពុជា-វៀតណាមបង្កើនការសាងសង់បង្គោលព្រំដែន
ស្របពេលដែលលោកនាយករដ្ឋមន្ត្រី ហ៊ុន សែន ស្នើឲ្យប្រទេសវៀតណាម ជួយផ្ដល់ព័ត៌មាន និងចែករំលែកបទពិសោធន៍នៃការប្រយុទ្ធប្រឆាំងបដិវត្តន៍ពណ៌ដល់កម្ពុជានោះ ប្រទេសទាំងពីរក៏កំពុងបង្កើនការសាងសង់បង្គោលព្រំដែននៅខេត្តមណ្ឌលគិរី និងខេត្តដាក់ឡាក់-ដាក់ណុង ប៊ិនភឿក របស់វៀតណាម។ ជាងនេះទៅទៀត កម្ពុជា ក៏កំពុងសាងសង់ផ្លូវក្រវាត់ព្រំដែនមួយនៅតំបន់នេះផងដែរ ដើម្បីអភិវឌ្ឍនៅតាមតំបន់ព្រំដែន។
ប្រព័ន្ធឃោសនារបស់លោក ហ៊ុន សែន បានដកស្រង់សម្ដីរបស់អ្នកស្រី កុយ ពិសី អនុប្រធានលេខាធិការដ្ឋានអចិន្ត្រៃយ៍នៃអាជ្ញាធរជាតិទទួលបន្ទុកកិច្ចការព្រំដែនឱ្យដឹងថា កម្ពុជា-វៀតណាម បានបោះបង្គោលព្រំដែនធំ ឬបង្គោលព្រំដែនគោលបានចំនួន ៧៣ភាគរយហើយរហូតដល់ពេលនេះ។ អ្នកស្រីបន្តថា ការបោះបង្គោលព្រំដែនបំពេញបន្ថែម ត្រូវបានសាងសង់ចំនួន ៤៨ភាគរយ ហើយនៅសល់ ៥២ភាគរយទៀត ដែលភាគីទាំងពីរកំពុងបន្តការសាងសង់។
អ្នកស្រីបានបញ្ជាក់ថា ភាគីកម្ពុជា-វៀតណាម ពេលនេះកំពុងតែបង្កើនសកម្មភាពក្នុងការសាងសង់បង្គោលព្រំដែន នៅតាមបណ្តាខេត្តជាប់ព្រំដែនទាំងអស់ ហើយសម្រាប់ការបោះបង្គោលព្រំដែនគោកវិញ ក៏ត្រូវបានបញ្ចប់នៅតាមតំបន់ខ្លះផងដែរ។ រហូតដល់ពេលនេះ ការរៀបចំបោះបង្គោលព្រំដែនរវាងកម្ពុជា-វៀតណាម បានរួចរាល់ចំនួនជាង ៨៤ភាគរយហើយក្នុងចំណោមព្រំដែនសរុប៕
 |
| នាយករដ្ឋមន្ត្រីដៃចោរ ហ៊ុន សែន (ស្ដាំ) ចាប់ដៃជាមួយអនុរដ្ឋមន្ត្រីក្រសួងការពារជាតិ នៃប្រទេសវៀតណាម លោក ង្វៀន ជីវិញ (Nguyen Chivinh) ក្នុងពេលជួបពិភាក្សាការងារនាវិមានសន្តិភាព រាជធានីភ្នំពេញ នៅថ្ងៃទី២១ ខែធ្នូ ឆ្នាំ២០១៧។ |
No comments:
Post a Comment