ជយោ! នយោបាយឈ្នះៗរបស់តេជោរ ចេញលទ្ធផលមកទៀតហើយ កាន់តែធ្ងន់កហើយខ្មែរអើយ! សភាអឺរ៉ុប បានអនុម័តព្យួរប្រព័ន្ធអនុគ្រោះពន្ធ ការដាក់បម្រាមលើទិដ្ឋាការ និងបង្កកទ្រព្យសម្បត្តិចំពោះបុគ្គលទាំងឡាយណា ដែលទទួលខុសត្រូវលើការរំលាយគណបក្សសង្គ្រោះជាតិ និងការរំលោភសិទ្ធិមនុស្សដ៏ធ្ងន់ធ្ងរនៅកម្ពុជា!!

ជយោ! នយោបាយឈ្នះៗរបស់តេជោរ ចេញលទ្ធផលមកទៀតហើយ កាន់តែធ្ងន់កហើយខ្មែរអើយ! សភាអឺរ៉ុប បានអនុម័តព្យួរប្រព័ន្ធអនុគ្រោះពន្ធ ការដាក់បម្រាមលើទិដ្ឋាការ និងបង្កកទ្រព្យសម្បត្តិចំពោះបុគ្គលទាំងឡាយណា ដែលទទួលខុសត្រូវលើការរំលាយគណបក្សសង្គ្រោះជាតិ និងការរំលោភសិទ្ធិមនុស្សដ៏ធ្ងន់ធ្ងរនៅកម្ពុជា!!

នៅថ្ងៃទី១៣ ខែធ្នូ សភាអឺរ៉ុបបានអនុម័តសេចក្តីសម្រេចមួយដោយសម្តែងការព្រួយបារម្ភយ៉ាងធ្ងន់ធ្ងរចំពោះស្ថានភាពដុនដាបធ្ងន់ធ្ងរនៃលទ្ធិប្រជាធិបតេយ្យនៅកម្ពុជា រួមទាំងការចាប់ខ្លួន និងឃុំខ្លួនលោក កឹម សុខា ប្រធានគណបក្សសង្រ្គោះជាតិ ការរំលាយគណបក្សសង្រ្គោះជាតិ ការបង្រ្កាបមកលើសង្គមស៉ីវិល និងប្រព័ន្ធផ្សព្វផ្សាយឯករាជ្យ។

សេចក្តីសម្រេចនេះ មានខ្លឹមសារសង្កត់ធ្ងន់ៗថា ៖

-​ ស្វាគមន៍ការសម្រេចព្យួរជំនួយរបស់សហគមន៍អឺរុប ដល់គណៈកម្មាធិការជាតិរៀបចំការបោះឆ្នោត (គ.ជ.ប) និងការរៀបចំការបោះឆ្នោតទាំងស្រុង។

-​ គោរពសិទ្ធិប្រជាពលរដ្ឋកម្ពុជា ក្នុងការបោះឆ្នោតជ្រើសរើស និងសិទ្ធិរបស់តំណាងជាប់ឆ្នោត ហើយនិងធានាពហុនិយម និងគោលការណ៍លទ្ធិប្រជាធិបតេយ្យ។

-​ រំលឹករដ្ឋាភិបាលកម្ពុជាឲ្យគោរព និងអនុវត្តកាតព្វកិច្ច និងការប្តេជ្ញាចិត្តរបស់ខ្លួនទាក់ទិននឹងគោលការណ៍លទ្ធិប្រជាធិបតេយ្យ និងសិទ្ធិមនុស្សជាគ្រឹះ ដែលជាធាតុផ្សំយ៉ាងសំខាន់សម្រាប់កិច្ចព្រមព្រៀងសហប្រតិបត្តិការជាមួយសហគមន៍អឹរ៉ុប។

- ដាក់លក្ខខណ្ឌជាចាំបាច់ឲ្យមានការគោរពសិទ្ធិមនុស្ស ដែលជាលក្ខខណ្ឌសម្រាប់ការផ្តល់ប្រព័ន្ធអនុគ្រោះ (EBA)។ ប្រសិនបើរដ្ឋាភិបាលកម្ពុជា កំពុងបន្តរំលោភកាតព្វកិច្ចរបស់ខ្លួននៅក្នុងបទបញ្ញត្តិ EBA ការអនុគ្រោះពន្ធនាំចូលទីផ្សារអឺរ៉ុប ត្រូវតែព្យួរជាបណ្តោះអាសន្ន។

-ស្នើ European External Action (EEAS) និងគណៈកម្មការអឺរ៉ុប រៀបចំបញ្ជីឈ្មោះបុគ្គលទាំងឡាយដែលទទួលខុសត្រូវក្នុងការរំលាយ គណបក្សសង្រ្គោះជាតិ ដើម្បីដាក់បម្រាបលើទិដ្ឋាការ និងបង្កកទ្រព្យសម្បត្តិរបស់ពួកគេ៕