ពិតជាអាម៉ាស់ណាស់ ក្នុងនាមជាជាតិសាសន៍មួយធ្លាប់រុងរឿង ខ្លាំងក្លា មកក្លាយខ្លួនជាជាតិសាសន៍ដើរធ្វើកញ្ជះគេបែកបាក់គ្រួសារបែបនេះ!
មិនដឹងថាខួក្បាល ហ៊ុន សែន និងបក្សពួកមេដឹកនាំស៊ីភីភីគិតអ្វីឬមានសារជាតិជាអ្វីទេ ដែលពួកគេសប្បាយរីករាយ ហើយមានមោទនភាពនឹងគោលនយោបាយបញ្ជូនពលរដ្ឋខ្លួនឲ្យទៅធ្វើអ្នកបម្រើតាមផ្ទះនៅប្រទេសគេ ឬទៅធ្វើជាអ្នកបម្រើក្នុងគ្រួសារជាតិសាសន៍គេបែបនេះ។ សូមគិតមើលទៅ សូម្បីតែខ្មែរដូចគ្នា ជាតិសាសន៍តែមួយ ក្នុងប្រទេសតែមួយ ក្រោមច្បាប់តែមួយ ដោយកូនចៅអ្នកស្រែឡើងមកធ្វើអ្នកបម្រើអ្នកក្រុង ក៏ត្រូវរងការមើលងាយមើលថោកដែរ។ ចុះទំរាំជនជាតិមួយ ទោះធ្វើខ្ញុំបម្រើឲ្យជនជាតិមួយទៀត តើរឿងនេះទៅជាយ៉ាងណា? រឿងអ្នកបម្រើតាមផ្ទះនេះ បើនៅប្រទេសរីកចម្រើន ឬប្រទេសសេរី មិនសូវជាបញ្ហាទេ តែបើទៅធ្វើអ្នកបម្រើឲ្យក្រុមប្រទេសអាស៊ាន ឬប្រទេសអាស៊ី ឬពិភពអារ៉ាប់ គឺវេទនាហើយ។ ព្រោះថាផ្នត់គំនិតពួកគេនៅអន់ថយហួសនិស្ស័យរឿងគោរពសិទ្ធិមនុស្សនេះ។
ជារួមការដឹកនាំរបស់ ហ៊ុន សែន ឬស៊ីភីភីនេះធ្វើឲ្យយើងជាខ្មែរដើរទៅណាងើបមុខមិនរួចទេ វាធ្វើឲ្យយើងមានមុខមិនស្មើនឹងជាតិសាសន៍គេ និងមិនហ៊ានប្រាប់គេថាខ្លួនជាខ្មែរឡើយ។
រូបភាព៖ នារីខ្មែរទៅធ្វើអ្នកបម្រើើតាមផ្ទះនៅចិនហុងកុងចេញដំណើរក្រោមដំណក់ទឹកភ្នែកពីការបែកបាក់គ្រួសារ។ (ប៉ាង សុខឿន - Khmer Sovannaphumi)
No comments:
Post a Comment