ក្រុមហ៊ុន MDS របស់ ទ្រី ភាព កំពុងសម្រុកកាប់ឈើដោយមានចៅហ្វាយខេត្តពោធិសាត់ ម៉ៅ ធនិន ក្មួយប្រសារ ហ៊ុន សែន អ្នកកាង!!
កន្លងមកអង្គការឃ្លាំមើលពិភពលោក (Global Witness) រកឃើញថា ឈ្មួញរកស៊ីឈើខុសច្បាប់ខ្នាតធំមា្នក់ដែលកាងពីក្រោយដោយ ក្រុមអង្គរក្ស និងក្រុមគ្រសារ ហ៊ុន សែន កំពុងមមាញឹកលក់ឈើប្រណីត របស់កម្ពុជាលក់ទៅឲ្យក្រុមហ៊ុនចិនដឹកចេញ តាមច្រកកំពង់ផែក្រុងព្រះសីហនុ ។
របាយការណ៍ស៊ើបអង្កេតរបស់អង្គការឃ្លាំមើលពិភពលោក ឬជាភាសាអង់គ្លេសមានឈ្មោះថា «តម្លៃឈើប្រណីត» ដែលបានតាមដាន ការចរាចរណ៍ឈើរបស់ ទ្រី ភាព អស់ រយៈពេល៨ខែនោះ បានចេញផ្សាយថា ចិនបាន ចំណាយលុយរាប់លានដុល្លារសហរដ្ឋអាមេរិក ទៅក្នុងទីផ្សារងងឹត ដើម្បីធ្វើពាណិជ្ជកម្មឈើក្រញូងពីកម្ពុជា ។
របាយការណ៍នេះបង្ហាញថា ទ្រី ភាព គឺជាអ្នកដឹកនាំនៃបណ្ដាញកាប់ព្រៃឈើខុសច្បាប់ ដែលកាងដោយក្រុមមន្ត្រីយោធា ប៉ូលិស និងមន្ត្រីគយក្នុងការបោសសំអាត ឈើក្រញូងរបស់ខ្មែរ ពីតាមខេត្តនានាហើយដឹកជញ្ជូនតាមកប៉ាល់ ទៅកាន់កំពង់ផែក្រុងហុងកុង ។
មន្ត្រីរបស់អង្គការឃ្លាំមើលពិភពលោកអ្នកស្រី មេហ្គែន ម៉ាក់ស៊ីនែស មានប្រសាសន៍ថា អង្គការមានភស្តុតាងគ្រប់គ្រាន់ដែលរកឃើញថា ទ្រី ភាព មានទ្រព្យសម្បត្តិស្ដុកស្ដម្ភម្នាក់នេះ កំពុងលក់ឈើទៅទីក្រុងហុងកុង ហើយបញ្ជូនបន្តទៅប្រទេសចិន៖ «ភស្តុតាងដែលយើងមាន ហើយអ្វីដែលយើងលាតត្រដាង ក្នុងរបាយការណ៍នេះគឺផ្អែកលើការស្រាវជ្រាវ រយៈពេល៨ខែ ពីអំឡុងឆ្នាំ២០១៣ និង ២០១៤ ដែលបានសម្ភាសន៍មនុស្សរបស់ ទ្រី ភាព ចំនួន៦៧ រួមមានកម្មករ អ្នកបើកបរ ហើយយើងក៏បានសម្ភាសន៍ ជាមួយមន្ត្រីរដ្ឋាភិបាល រួមមានមន្ត្រីរដ្ឋបាលព្រៃឈើ និងមន្ត្រីក្រសួងបរិស្ថាន និងមន្ត្រីគយតាមច្រកព្រំដែន ដែលពួកគេបានបញ្ជាក់ដូចៗគ្នាថា ទ្រី ភាព ជាមេក្លោងនៃបណ្ដាញជួញដូរ ឈើខុសច្បាប់ ពេញប្រទេសតែម្ដង»។
បើទោះកន្លងមកថ្មីៗនេះ ទ្រី ភាព បានប្រកាសថាឈប់រកស៊ីកាប់ឈើក្តី តែពលរដ្ឋដែលរស់នៅខេត្តពោធិសាត់បានឲ្យដឹងថា ទ្រី ភាព នៅតែបន្តកាប់ឈើយ៉ាងសកម្មក្នុងដីសម្បទានសេដ្ឋកិច្ចជិត២ម៉ឺនហិកតា រយះពេល៩៩ឆ្នាំ នៅខេត្តពោធិសាត់ ដែល ទ្រី ភាព ទទួលបានពីរបប ហ៊ុន សែន ដោយមានចៅហ្វាយខេត្ត ម៉ៅ ធនិន ដែលត្រូវជាក្មួយប្រសារ ហ៊ុន សែន អ្នកកាង ។
ប្រភពបញ្ជាក់ថា ក្នុង១ខែ ទ្រី ភាព លក់ឈើចំណេញដល់ទៅជិត ៦លានដុល្លារសហរដ្ឋអាមេរិក ហើយបានបង់ឲ្យ ហ៊ុន សែន ១លានដុល្លារសហរដ្ឋអាមេរិកក្នុង១ខែ ជាថ្នូរនៃការកាប់ឈើខុសច្បាប់ ដូច្នេះ ទ្រី ភាព ប្រាកដជាចំណេញកប់ក្ដោងរកកន្លែងតម្កល់លុយលែងអស់ទៅហើយក្នុងរយៈពេលប៉ុន្មានឆ្នាំមកនេះ ៕
ប្រភព៖ ឆាំ ឆានី
No comments:
Post a Comment