អ៊ីស្រាអែលបើកការវាយប្រហារតាមផ្លូវអាកាសយ៉ាងខ្លាំងមកលើស៊ីរីក្រោយពីយន្តហោះចម្បាំងរបស់ខ្លួនត្រូវបានស៊ីរីបាញ់ទម្លាក់-Israeli air strikes against Syria 'biggest since 1982'
កងទ័ពអ៊ីស្រាអែល បាននិយាយថា ខ្លួនបានវាយប្រហារបំផ្លាញកងទ័ពអាកាសស៊ីរីយ៉ាងធំធេង បន្ទាប់ពីយន្តហោះចម្បាំងអ៊ីស្រាអែលមួយគ្រឿង ត្រូវបានកងទ័ពស៊ីរីបាញ់ទម្លាក់អំឡុងប្រតិបត្តិការទៅលើប្រទេសស៊ីរី។ នេះបើយោងតាមការចុះផ្សាយរបស់សំណាក់សារព័ត៌មានអង់គ្លេសប៊ីប៊ីស៊ី (BBC) ។
សំណាក់សារព័ត៌មានដដែលនេះ បានដកស្រង់សម្ដីនាយឧត្ដមសេនីយ៍កងទ័ពអាកាសនៃប្រទេសអ៊ីស្រាអែល ដែលបាននិយាយថា ការវាយប្រហារសងសឹកនេះ គឺជាប្រតិកម្មដ៏ខ្លាំងក្លាបំផុតប្រឆាំងនឹងប្រទេសស៊ីរីគិតចាប់តាំងពីសង្គ្រាមលីបង់អំឡុងឆ្នាំ១៩៨២ មក។
អ៊ីស្រាអែលបានប្រកាសបញ្ជាក់ថា យន្តហោះចម្បាំង F-16 មួយគ្រឿងរបស់ខ្លួន ត្រូវបានធ្លាក់អំឡុងបំពេញបេសកកម្មដែលតាមដានប្រតិបត្តិការយន្តហោះដ្រូនអ៊ីរ៉ង់ចូលមកក្នុងទឹកដីអ៊ីស្រាអែល។
អ្នកបើកបរយន្តហោះពីរនាក់នៅក្នុងយន្តហោះនោះ បានលោតឆត្រចេញពីយន្តហោះនោះដោយសុវត្ថិភាព មុននឹងយន្តហោះនោះផ្ទុះឆេះស្ថិតនៅភាគខាងជើងប្រទេសអ៊ីស្រាអែល៕
No comments:
Post a Comment