រឿងធំហើយខ្មែរអើយ៖ លោកកឹម សុខា សុខភាពទ្រុឌទ្រោមខ្លាំង មេធាវី ថាប្រសិនបើលោកកឹម សុខា មិនបានទទួលការព្យាបាលត្រឹមត្រូវនោះទេ លោកអាចនឹងស្លាប់ក្នុងពន្ធនាគារ!!

រឿងធំហើយខ្មែរអើយ៖ លោកកឹម សុខា សុខភាពទ្រុឌទ្រោមខ្លាំង មេធាវី ថាប្រសិនបើលោកកឹម សុខា មិនបានទទួលការព្យាបាលត្រឹមត្រូវនោះទេ លោកអាចនឹងស្លាប់ក្នុងពន្ធនាគារ!!

លោក ជួង ជូងី មេធាវីការពារក្ដីអោយលោក កឹម សុខា បានអោយដឹងថា លោក កឹម សុខា ប្រធានគណបក្សសង្រ្គោះជាតិដែលកំពុងជាប់ឃុំនៅក្នុងពន្ធនាគារត្រពាំងផ្លុង អាចនឹងត្រូវប៉ះពាល់ដល់អាយុជីវិត ប្រសិនបើលោកមិនទទួលបានការព្យាបាលជំងឺទេនោះ។

បើយោងតាមលោក ជួង ជូងី បានបញ្ជាក់អោយដឹងថា សម្ពាធជំងឺរបស់លោក កឹម សុខា កំពុងតែមានបញ្ហាធ្ងន់ធ្ងរកាន់តែខ្លាំងទៅៗ ហើយដែលអាចនឹងធ្វើអោយប៉ះពាល់ដល់អាយុជីវិតរបស់លោក កឹម សុខា តែម្ដង ។ លោក ជួង ជូងី បានអះអាងអោយដឹងថា ជំងឺរបស់លោក កឹម សុខា នោះ គឺមានបញ្ហាលើសឈាម និងជំងឺទឹកនោមផ្អែម ។

លោក ជួង ជូងី អោយដឹងបែបនេះ ៖ « សម្រាប់ខ្ញុំមើលឃើញគាត់អាចប្រឈមដល់ការអាចប៉ះពាល់អាយុជីវិតប្រសិនបើមិនទទួលបានការព្យាបាលពីពេទ្យជំនាញទេ សភាពជាក់ស្ដែងលោក កឹម សុខា គាត់រងដែលជំងឺទាំងពីរនេះ មួយណាក៏អាចយកជីវិតគាត់ដែរ គឺលើស ឈាម និងទឹកនោមផ្អែម »។

លោក ជួង ជូងី អោយដឹងបែបនេះ ធ្វើឡើងតាមរយៈការផ្ដល់បទសម្ភាសន៍ដល់អ្នកសារព័ត៌មានក្នុងស្រុកចេញផ្សាយនៅថ្ងៃទី១២ ខែកុម្ភៈ នេះ ។

បើតាមមេធាវីការពារក្ដីអោយលោក កឹម សុខា រូបនេះបានលើកឡើងថា ជាទូទៅ ការឃុំខ្លួនគឺធ្វើឡើងក្នុងបំណងដើម្បីការពារជនត្រូវចោទទុកជូនតុលាកាឡ៍បន្តនីតិវិធី ឬក៏ការពារបញ្ហាអាយុជីវិតរបស់ជនត្រូវចោទ ។

ក្នុងករណីដែលជនត្រូវចោទ ដូចជាលោក កឹម សុខា ជាក់ស្ដែងមានជំងឺបែបនេះ អាជ្ញាធរខាងពន្ធនាគារគួរណាតែបើកឱកាសដើម្បីអោយលោក កឹម សុខា បានទៅទទួលការព្យាបាលអោយបានត្រឹមត្រូវពីពេទ្យជំនាញ ជៀសវាងបញ្ហាជំងឺធ្លាក់ដល់ដំណាក់កាលធ្ងន់ធ្ងរ ។

លោក កឹម សុខា ប្រធានគណបក្សសង្គ្រោះជាតិ ត្រូវបានចាប់ខ្លួននៅយប់រំលងអធ្រាត្រ ដល់គេហដ្ឋានរបស់លោកកាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧ ហើយក៏បញ្ជូនទៅឃុំក្នុងពន្ធនាគារភ្លាមៗ។

លោកត្រូវចោទប្រកាន់អំពីបទព្យាយាមរំលំរដ្ឋាភិបាលរបស់លោកនាយករដ្ឋមន្ត្រីហ៊ុន សែន ដោយចោទថា មានការជួយជ្រោមជ្រែងពីសហរដ្ឋអាមេរិក និងបទចារកម្ម។ ទោះបីជាយ៉ាងណាក្តីលោកបានបដិសេធការចោទប្រកាន់ទាំងអស់នេះ ដោយនិយាយថាការចោទនេះមានគំនិតនយោបាយ ៕