ប្រទេសកូរ៉េខាងត្បូងនិងខាងជើងពិភាក្សាគ្នាអំពីកីឡាអូឡាំពិករដូវរងា-Two Koreans hold winter olympics talks
គណៈប្រតិភូមកពីប្រទេសកូរ៉េទាំងពីរបានជួបប្រជុំគ្នានៅថ្ងៃចន្ទនេះដើម្បីពិភាក្សាលំអិតអំពីការបញ្ជូនក្រុមសម្ដែងសិល្បៈមួយក្រុមទៅចូលរួមនៅក្នុងកីឡាអូឡាំពិករដូវរងាដែលធ្វើឡើងនៅខែក្រោយក្នុងប្រទេសកូរ៉េខាងត្បូង។
ជំនួបដែលធ្វើឡើងនៅភូមិ Panmunjom ស្ថិតនៅព្រំដែនរវាងកូរ៉េទាំងពីរនេះ ផ្ដោតលើការរៀបចំពេលវេលាចូលរួមសម្រាប់ក្រុមតន្ត្រី Moranbong ដ៏ល្បីឈ្មោះរបស់ប្រទេសកូរ៉េខាងជើង ដែលមានសមាជិកសុទ្ធតែជាស្ត្រី ហើយសមាជិករបស់ក្រុមនេះត្រូវគេរាយការណ៍មកថា ត្រូវបានជ្រើសរើសដោយផ្ទាល់ដោយមេដឹកនាំកូរ៉េខាងជើងលោក Kim Jong Un។
កូរ៉េខាងជើងបានបញ្ជាក់ថា គណៈប្រតិភូរបស់ខ្លួនដែលនឹងចូលរួមនៅក្នុងកីឡាអូឡាំពិករដូវរងានៅក្នុងទីក្រុង Pyeongchang ប្រទេសកូរ៉េខាងត្បូងនេះ មានដូចជា អ្នកសិល្បៈ មន្ត្រីរដ្ឋាភិបាល អ្នកសារព័ត៌មាន កីឡាករជាដើម។
ក្រសួងបង្រួបបង្រួមកូរ៉េទាំងពីរនៃប្រទេសកូរ៉េខាងត្បូងបានឲ្យដឹងថា ចំនួនគណៈប្រតិភូកូរ៉េខាងជើងនឹងពិភាក្សាបញ្ចប់នៅពេលដែលកូរ៉េខាងជើងជួបជាមួយគណៈកម្មាធិការកីឡាអូឡាំពិកអន្តរជាតិនៅថ្ងៃទី ២០ ខែមករាខាងមុខនេះ។
វិធានការបែបសម្រុះសម្រួលរបស់កូរ៉េខាងជើងនាពេលថ្មីៗនេះពាក់ព័ន្ធនឹងកីឡាអូឡាំពិក ត្រូវបានគេមើលឃើញជាទូទៅថាជា កិច្ចប្រឹងប្រែងដើម្បីបន្ធូរបន្ថយភាពតានតឹង ក្រោយពីខ្លួនបានសាកល្បងនុយក្លេអ៊ែរ និងគ្រាប់ផ្លោងមីស៊ីលកាលពីឆ្នាំមុន៕
ប្រភព៖ វីអូអេខ្មែរ
No comments:
Post a Comment