* សមាជិកព្រឹទ្ធសភា Ted Cruzបានដាក់លិខិតឱសាទវាទទៅស្ថានទូតខ្មែរ ព្រមានឲ្យដោះលែងលោក កឹម សុខា បានមុនថ្ងៃទី៩ ខែវិច្ឆិកា ឆ្នាំ២០១៧ នេះជាបន្ទាន់!
ព្រឹទ្ធសមាជិកដ៏មានឥទ្ធិពលនៃពីគណបក្សសាធារណរដ្ឋកំពុងកាន់អំណាច គឺ លោក Ted Cruz អតីតបេក្ខជនប្រធានាធិបតី និងជាគណៈកម្មការសេវាកម្មកងទ័ព បញ្ញតិ រដ្ឋបាល និងហើយគណៈកម្មការចម្រុះសេដ្ឋកិច្ច នៃព្រឹទ្ធសភាសហរដ្ឋអាមេរិក ទាមទារឲ្យដោះលែង ឯកឧត្តម កឹម សុខា ជាបន្ទាន់ ដែលយ៉ាងយូរបំផុតត្រឹមថ្ងៃទី៩ ខែវិច្ឆិកា ឆ្នាំ២០១៧ នេះ និងទាមទារឲ្យបញ្ឈប់ជាបន្ទាន់រាល់វិធានការទាំងឡាយដែលគេចចេញពីគណនេយ្យភាពប្រជាធិបតេយ្យ។
ព្រឹទ្ធសមាជិករូបនេះ ព្រមានពីការគ្រោះថ្នាក់ដល់ ៖
-ទំនាក់ទំនងសហរដ្ឋអាមរិក-កម្ពុជា
-ប្រព័ន្ធអនុគ្រោះពាណិជ្ជកម្ម (GSP)
- ដាក់មន្រ្តីរដ្ឋាភិបាលខ្មែរដែលទទួលខុសត្រូវចំពោះទង្វើបង្រ្កាបទាំងនេះក្នុងបញ្ជីមិនឲ្យចូលទឹកដីអាមេរិក”។
*ហ៊ុន សែន បានសរសេរ នៅលើទំព័រហ្វេសប៊ុករបស់ខ្លួនថា៖
កាលពីឆ្នាំ ១៩៩៧ ក្មួយៗកម្មករយើងមានប្រាក់ខែត្រឹម ៤០ដុល្លារ ប៉ុណ្ណោះ។ ប៉ុន្តែសព្វថ្ងៃនេះកូនក្មួយកម្មករមានប្រាប់ខែ ១៥៣ដុល្លារ ដែលបូកប្រាក់អត្ថប្រយោជន៍ផ្សេងៗ គឺបាន២០០ដុល្លារ ឬលើសពី ២០០ដុល្លារ។
ចាប់ពីឆ្នាំ ២០១៨ គឺប្រាក់ខែក្មួយៗកម្មករនឹងឡើងដល់ ១៧០ដុល្លារ បូកនឹងប្រាក់អត្ថប្រយោជន៍ផ្សេងៗទៀតគឺអាចបានច្រើនជាង២០០ដុល្លារទៀត។ តាមពិតក្រុមហ៊ុនបើកជូនក្មួយៗ ១៦៥ដុល្លារ តែរាជរដ្ឋាភិបាលបានប៉ះប៉ូវប្រាក់ជូនក្មយៗកម្មករបន្ថែម ៥ដុល្លារ ដែលប្រាក់នេះគឺបានមកពីប្រាក់ពន្ឋកាត់ទុក ដែលត្រូវពន្យារការប្រមូលហូតដល់ឆ្នាំ ២០២២ និងប្រាក់កម្រៃនាំចេញ។ គឺមានន័យថា រដ្ឋាភិបាលបានត្រៀមថវិកាប្រមាណ៤០ លានដុល្លារក្នុង១ឆ្នាំៗដើម្បីបន្ថែមជូនកូនក្មួយកម្មករ កម្មការនី។
*ប្រភពព័ត៌មានពីវិទ្យុអាស៊ីសេរី បានអោយដឹងថា៖ IMF ព្រមានកម្ពុជាចំពោះវិបត្តិហិរញ្ញវត្ថុខណៈរដ្ឋាភិបាលបានចំណាយលើសចំណូល
មូលនិធិរូបិយវត្ថុអន្តរជាតិ (International Monetary Fund) ព្រមានថា កម្ពុជាគួរត្រៀមខ្លួន ក្នុងលក្ខខណ្ឌដែលប្រឈមនឹងវិបត្តិហិរញ្ញវត្ថុ ដោយសារកំណើនសេដ្ឋកិច្ចធ្លាក់ចុះ។
របាយការណ៍របស់មូលនិធិរូបិយវត្ថុអន្តរជាតិ ស្ដីពីស្ថានភាពហិរញ្ញវត្ថុនៅកម្ពុជា ឲ្យដឹងថា IMF បានពិនិត្យឃើញថា រដ្ឋាភិបាលកម្ពុជា បានចំណាយថវិកាច្រើនជាងប្រាក់ចំណូល ដែលជាហេតុនាំឲ្យមានឱនភាពប្រចាំឆ្នាំធ្លាក់ចុះ ដោយសារផលិតផលក្នុងស្រុកសរុប GDP ក្នុងឆ្នាំ២០១៦ ធ្លាក់ចុះ ២,៨% បើប្រៀបធៀបទៅនឹងឆ្នាំមុន គឺអត្រា ១,៦%។ បន្ថែមពីនេះគឺដោយសារការធ្លាក់ចុះនៃវិនិយោគិនបរទេស។
របាយការណ៍ដដែលបន្តថា ចំណាយលើសចំណូលនេះ គឺដោយសាររដ្ឋាភិបាលកម្ពុជា បានដំឡើងប្រាក់បៀវត្សរ៍ដល់មន្ត្រីរាជការ និងការចំណាយសម្រាប់ការរៀបចំបោះឆ្នោតក្រុមប្រឹក្សាឃុំ-សង្កាត់ ក្នុងឆ្នាំ២០១៧ នេះ។ មូលនិធិរូបិយវត្ថុអន្តរជាតិ IMF លើកទឹកចិត្តគ្រប់ស្ថាប័នទាំងអស់ ត្រូវពង្រឹងការយកចិត្តទុកដាក់ផ្នែកហិរញ្ញវត្ថុ និងធ្វើការកែទម្រង់បន្ថែមទៀត ដើម្បីលើកស្ទួយឲ្យមានបរិយាកាសល្អ ក្នុងការប្រកួតប្រជែងផ្នែកពាណិជ្ជកម្ម។
កំណើនសេដ្ឋកិច្ចនៅពាក់កណ្ដាលឆ្នាំ២០១៧នេះ គឺអត្រាប្រមាណជា ៦% ដែលផ្ទុយពីការរំពឹងទុកពីមុន ថានឹងអាចមានកំណើនសេដ្ឋកិច្ច ដល់ទៅ ៦,៩% ។
* អតីតប្រធានគណបក្សសង្គ្រោះជាតិ លោក សម រង្ស៊ី បានសរសេរនៅលើទំព័រហ្វេសប៊ុក ថា៖ ហ៊ុន សែន កំពុងក្រអឺតក្រទម ជាមួយសហរដ្ឋអាមេរិក និងអឺរ៉ុប ពីព្រោះគាត់មិនសូវយល់ ពីបញ្ហាសេដ្ឋកិច្ច ហិរញ្ញវត្ថុ និងពាណិជ្ជកម្ម !
២៥ តុលា ២០១៧ / 25 October 2017 - International sanctions will make Hun Sen back off (*)
លោក ហ៊ុន សែន កំពុងក្រអឺតក្រទម ជាមួយសហរដ្ឋអាមេរិក និងអឺរ៉ុប ពីព្រោះគាត់មិនសូវយល់ ពីបញ្ហាសេដ្ឋកិច្ច ហិរញ្ញវត្ថុ និងពាណិជ្ជកម្ម។ តែបន្តិចទៀត ដោយត្រូវព្រនង់ កាន់តែខ្លាំងឡើងៗ ពីលោកសេរី គាត់នឹងចាប់ផ្តើមយល់ ហើយបកថយក្រោយវិញ បើមិនចង់ជួបគ្រោះថ្នាក់។ (ដកស្រង់ពីសុន្ទរកថារបស់ខ្ញុំ នៅទីក្រុងប៉ារីស កាលពីថ្ងៃ ២៣ តុលា ២០១៧)
(*) Hun Sen is being so arrogant with the U.S. and Europe because he doesn’t fully understand economic, financial and commercial issues facing Cambodia. But soon, when increasing sanctions from the West start to apply, he will start to understand and will have to back off or face an unprecedented crisis. (Excerpt from my speech in Paris, 23 October 2017).
សង្កេតមើលទឹកមុខរបស់ប្រជាពលរកខ្មែរ ដែលបានជួបសំណេះសំណាលជាមួយ ហ៊ុន សែន គឺទឹកដូចគ្មាន រសជាតិ មានតែសេចក្ដីសៅហ្មង ទុក្ខសោក អស់សង្ឃឹម !!
No comments:
Post a Comment