ខ្មែរ សុវណ្ណភូមិ៖ មនុស្សដូចហ៊ុន សែន (ពាលភ្នែកទោស) ធ្វើនយោបាយថោកទាបតាំងពីរឿងធំរហូតដល់រឿងតូច !!
មនុស្សដូច ហ៊ុន សែន ធ្វើនយោបាយថោកទាបតាំងពីរឿងធំដល់រឿងតូច តាមរបៀបញុះញង់ បំបែកបំបាក់ គំរាមកំហែង គុកច្រវ៉ាក់ ទិញដូរ និងកាប់សំលាប់។ នយោបាយបែបនេះ គឺហួសសម័យហើយនៅពួកប្រទេសជឿនលឿន ហើយជនទាំងឡាយដែលប្រើគំនិតនេះគឺគេចាត់ទុកថាជាប្រភេទមនុស្សអន់ថយ ឬបាតសង្គម ហើយគេមិនត្រូវការទេ។
ប៉ូលិសនៃស្នងការនគរបាលខេត្តប៉ៃលិនប្រមាណ ៤នាក់ នៅរសៀលថ្ងៃទី២៤ តុលា ចាប់ខ្លួនសមាជិកក្រុមប្រឹក្សាឃុំស្ទឹងកាច់ គណបក្សសង្គ្រោះជាតិ ឈ្មោះឈុន សិទ្ធី អាយុ ៣៨ឆ្នាំ ពីចំណុចភូមិផ្សារព្រំ ខាងជើងឃុំស្ទឹងកាច់ ស្រុកសាលាក្រៅ នាំទៅស្នងការនគរបាលខេត្តប៉ៃលិនភ្លាមៗតែម្ដង។
អនុប្រធានគណបក្សសង្គ្រោះជាតិខេត្តប៉ៃលិន លោក ឃឹម ប៉ុន មានប្រសាសន៍ថា ការចាប់ខ្លួននេះទំនងដោយសារលោក ឈុន សិទ្ធី បង្ហោះវីដេអូ ឃ្លីបមួយកាលពីថ្ងៃទី២៣តុលា ដោយផ្ដាំទៅលោកនាយករដ្ឋមន្ត្រី ហ៊ុន សែន ថា លោកមិនចង់បានប្រាក់ខែត្រឹមតែ ៥៧ម៉ឺនរៀល (៥៧០,០០០)នោះទេ ហើយបើទោះបីជាប្រាក់ខែ រាប់លានដុល្លារអាមេរិកក៏លោកមិនលក់ឧត្ដមគតិរបស់ខ្លួនដែរ។ «សំឡេង»
បច្ចុប្បន្នក្រុមប្រឹក្សាឃុំរូបនេះ ត្រូវបានសមត្ថកិច្ចនាំទៅឃុំខ្លួន នៅស្នងការនគរបាលខេត្តប៉ៃលិន ដោយពុំដឹងថា នឹងបានត្រឡប់មកផ្ទះវិញ ឬយ៉ាងណានៅឡើយ។ ((ប្រភព អាសុីសេរី))
ប្រភព៖ ខ្មែរ សុវណ្ណភូមិ , អាសុីសេរី
No comments:
Post a Comment