វាលវដ្តសង្សារ...
-កើតចាស់ឈឺស្លាប់ជារឿងសង្ខារ
ច្នេះផ្ចង់អាត្មាតែសុចរិតធម៌
ប្រាសចាកអបាយជារឿងមិនល្អ
ជ្រកក្រោមម្លប់ធម៌សែនត្រជាក់ក្រៃ។
-កើតមកមួយជាតិធាតុតែមួយចាន
សាងក្តីល្អថ្កានជូនដល់ផែនដី
រួសរាយជុំមិត្តទឹកចិត្តប្រពៃ
រស់ឲ្យមានន័យថ្លៃថ្លានាមា។
-កុំបណ្តោយចិត្តឲ្យលង់ទ្រនេស
នឹងបាបស្អុយឆ្អេះដោយពាលឫស្យា
ស្លាប់ទៅជាខ្មោចអសោចនាមា
អ្នកផងនិន្ទារស់នាំធ្ងន់ដី។
-វេលារស់នៅគឺសែនខ្លីណាស់
សាងឈ្មោះត្រចះល្អល្អះឥតបី
មានមេត្តាធម៌សន្តោសប្រណី
រាក់ទាក់មេត្រីដោយចិត្តជាបុណ្យ។
-ខ្លះមានទ្រព្យធនចង់ជាន់គេឯង
អាងឫទ្ធិឥតក្រែងកោងកាចពេកពន់
សាងបាបបានបាបសាងបុណ្យបានបុណ្យ
នោះហើយជាទុនសម្រាប់ជាតិមុខ៕
ដោយ Jasmine Kc
No comments:
Post a Comment