នារសៀលថ្ងៃ ២០-មិថុនា-២០១៧ នៅទីស្នាក់ការកណ្ដាល លោក កឹម សុខា ប្រធានគណបក្សសង្គ្រោះជាតិបានថ្លែងលើកទឹកចិត្តដល់ប្រជាពលរដ្ឋខ្មែរពុទ្ធសាសនិក និងខ្មែរឥស្លាមសាសនិកបន្ដការរួមរស់ជាមួយគ្នា ដោយសន្តិសុខដុមរមនា ក្នុងសង្គមជាតិរួមមួយ ដោយមិនរើសអើងប្រកាន់ពូជសាសន៍។
ដោយលោក កឹម សុខា បានថ្លែងនៅក្នុងពិធី ស្រាយបួសខែរ៉ម៉ាឌននៃសាសនិកឥស្លាមកម្ពុជាថា៖
"ខ្ញុំសូមកោតសរសើរចំពោះបងប្អូនជនជាតិខ្មែរ និងខ្មែរឥស្លាម ដែលតែងតែគោរពស្រលាញ់ រាប់រកគ្នា រស់នៅជាមួយគ្នាក្នុងប្រទេសកម្ពុជា ដោយគ្មានការរើសអើងគ្មានការប្រកាន់ពូជសាសន៍បានយ៉ាងល្អ។ ខ្ញុំក៏សូមលើកទឹកចិត្តបងប្អូនខ្មែរ និងខ្មែរឥស្លាម បន្ដការរួមរស់ជាមួយគ្នា ដោយសុខដុមរមនា តទៅទៀត។
ក្នុងនាមគណបក្សសង្គ្រោះជាតិ និងក្នុងនាមខ្ញុំផ្ទាល់ ខ្ញុំសូមបញ្ជាក់ថា ជាគោលនយោបាយគណបក្សសង្គ្រោះជាតិ នៅពេលដឹកនាំប្រទេស បងប្អូនខ្មែរឥស្លាម ប្រាកដជាទទួលបានពេញលេញនូវសិទ្ធិសេរីភាព ក្នុងជំនឿសាសនារបស់ខ្លួន ហើយលើសពីនេះទៅទៀត បងប្អូននឹងទទួលបានសិទ្ធិនយោបាយ ក្នុងការសម្រេចចិត្ត ជ្រើសរើស និងចូលរួម ជាមួួយគណបក្សនយោបាយណាមួយក៏បានដែរ ដោយគ្មានការរើសអើង គំរាមកំហែង និងបំភិតបំភ័យ" ៕
ប្រភព : Kem Sokha
No comments:
Post a Comment