រសៀលថ្ងៃ ទី១១ ខែមិថុនា ឆ្នាំ២០១៧នេះ វីរកញ្ញា ស៊ិន ចាន់ពៅរ៉ូហ៊្សេត ចៅសង្កាត់អូរចារ បានទៅសួរសុខទុក្ខលោកអ៊ំ កឹម ឆង និងអ៊ំស្រី អតីតចៅសង្កាត់អូរចារ ដែលជាសមាជិករបស់ស៊ីភីភី នេះជាសញ្ញាវិជ្ជមានយ៉ាងច្បាស់មួយក្នុងសង្គមខ្មែរ ដែលប្រជុំជនខ្មែរក្នុងតំបន់នីមួយៗទូទាំងប្រទេស គប្បីសិក្សានិងយកគំរូតាមវីរកញ្ញា និងលោកអ៊ំទាំងពីរ ព្រោះនេះសឱ្យឃើញថាគ្មានអ្វីសំខាន់ជាងប្រជាពលរដ្ឋខ្មែរក្នុងតំបន់ក្នុងប្រជុំជននីមួយៗចេះសាមគ្គីគ្នានិងគ្នា និងឈឺឆ្អាលគ្នានិងគ្នាឡើយ។
អ្នកនយោបាយថ្នាក់ដឹកនាំខាងលើ ក៏គប្បីសិក្សានិងយកគំរូតាមវីរកញ្ញា និងលោកអ៊ំទាំងពីរ ក៏មិនខាតបង់អ្វីឡើយ ព្រោះវាមានតែនាំមកនូវសន្តិភាពពិតប្រាកដ ស្ងប់សុខស្ថាពរក្នុងសង្គមខ្មែរ
នាំកិត្តិយសជាខ្មែរចេះស្រឡាញ់ខ្មែរមែនពិត (មិនមែនមាត់ថាស្រឡាញ់ តែចិត្តខ្មៅយង់ឃ្នងតាមអាឃាតខ្មែរដូចគ្នា) និងនាំភាពរុងរឿងថ្កំថ្កើងដល់តំបន់ប្រជុំជននីមួយៗ ក៏ដូចជានាំភាពរុងរឿងថ្កំថ្កើងដល់ប្រទេសជាតិមាតុភូមិអ៊ីចឹងផងដែរ ។ ហើយទង្វើនេះត្រូវនឹងគោលការណ៍របស់ពុទ្ធសាសនាថា ក្នុងការរស់នៅជាមួយគ្នានិងគ្នា ក្នុងសង្គមមួយ ឬក្រុមមួយ ឬគណៈមួយ នឹងកើតសន្តិភាពពិតប្រាកដ ស្ងប់សុខស្ថាពរក្នុងសង្គមបាន លុះត្រាតែមនុស្សក្នុងសង្គមនោះត្រូវប្រកាន់ភ្ជាប់យកនូវគោលការណ៍ពីរយ៉ាងសំខាន់ៗ គឺ៖
១. សីលសាមញ្ញតា មានសីលឬការប្រព្រិត្តបដិបត្តិស្មើគ្នា ដូចជាស្មើនៅចំពោះមុខច្បាប់ គ្មាននរណាអង្គុយលើច្បាប់បានជាដើម
២. ទិដ្ឋិសាមញ្ញតា មានទិដ្ឋិឬទស្សនៈត្រង់ស្មើគ្នា ត្រូវចំណុចសំខាន់កែបញ្ហាបានពិតប្រាកដ ត្រូវតាមបែបវិទ្យាសាស្ត្រអរិយសច្ចៈទាំង៤របស់ពុទ្ធៈមែនពិត
ព្រោះប្រសិនបើប្រាសចាកការប្រព្រិត្តបដិបត្តិមិនស្មើគ្នា ឬមានទស្សនៈមិនត្រង់គ្នា មិនត្រូវចំណុចសំខាន់ ក៏កែបញ្ហាមិនបាន មិនត្រូវតាមបែបវិទ្យាសាស្ត្រអរិយសច្ចៈទាំង៤របស់ពុទ្ធៈ ក៏មិនអាចរស់នៅជាមួយគ្នានិងគ្នាបាន សង្គមក៏ក្ដៅក្រហាយ សន្តិភាពពិតប្រាកដ ស្ងប់សុខស្ថាពរក្នុងសង្គម ក៏មិនកើតតាម ៕
 |
| រូបថតវីរកញ្ញា ស៊ិន ចាន់ពៅរ៉ូហ៊្សេត ចៅសង្កាត់អូរចារ បានទៅសួរសុខទុក្ខលោកអ៊ំ កឹម ឆង និងអ៊ំស្រី អតីតចៅសង្កាត់អូរចារ ដែលជាសមាជិករបស់ស៊ីភីភី។ Photo FB Sin Rozeth |
 |
| រូបថតវីរកញ្ញា ស៊ិន ចាន់ពៅរ៉ូហ៊្សេត ចៅសង្កាត់អូរចារ បានទៅសួរសុខទុក្ខលោកអ៊ំ កឹម ឆង និងអ៊ំស្រី អតីតចៅសង្កាត់អូរចារ ដែលជាសមាជិករបស់ស៊ីភីភី។ Photo FB Sin Rozeth |
No comments:
Post a Comment