សារក្ដៅៗ! ពីលោកបណ្ឌិត So Naro ៖ គួរឲ្យអាម៉ាស់មុខណាស់ ប្រាក់ សុខុន ដែលជាប់ឈ្មោះថាជាអៀង សារី ទី២ របស់កម្ពុជានោះ មិនត្រូវបានអនុញ្ញាតឲ្យដើរហើរដោយសេរីនៅលើទឹកដីសហរដ្ឋអាមេរិកបានទេ !
លោកបណ្ឌិត So Naro បានបង្ហោះសារតាមរយៈបណ្ដាញទំនាក់ទំនងសង្គម (ហ្វេសប៊ុក Facebook)របស់លោក ដោយលោកបានបង្ហោះសារក្ដៅៗទាក់ទងរឿង រដ្ធមន្ត្រីក្រសួងការបរទេសរបស់រដ្ឋាភិបាលលោកហ៊ុន សែន គឺលោកប្រាក់ សុខុន និងគណៈប្រតិភូ ខណៈពេលទៅប្រជុំ នៅទីស្នាក់អង្គការសហប្រជាជាតិ នៅទីក្រុងញីវយ៉ក ប្រទេសសហរដ្ធអាមេរិក ដែលត្រូវបានរដ្ឋាភិបាលសហរដ្ធអាមេរិក វាស់ដីអោយដើរ មកពីមិនមានវីសា និងមិនមែនជាភ្ញៀវរបស់រដ្ឋាភិបាលសហរដ្ឋអាមេរិក ។ សារពេញរបស់បណ្ឌិត So Naro ដែលបានបង្ហោះនោះ មានយ៉ាងដូច្នេះថា ៖
គួរឲ្យអាម៉ាស់មុខណាស់ ប្រាក់ សុខុន ដែលជាប់ឈ្មោះថាជា អៀង សារី ទី២របស់កម្ពុជានោះ មិនត្រូវបានអនុញ្ញាតឲ្យដើរហើរដោយសេរីនៅសហរដ្ឋអាមេរិកបានទេ ។ ជនមានប្រវត្តិបំផ្លាញជាតិ សម្អប់សេរីភាព និងស្រឡាញ់អំណាចផ្តាច់ការរូបនេះ បានត្រឹមតែធ្វើដំណើរពីព្រលានយន្តហោះទៅ Hotel និងទីស្នាក់ការ U.N. តែប៉ុណ្ណោះ ។
បើហ៊ានធ្វើដំណើរខុសពីនេះ គឺច្បាស់ជាត្រូវប៉ូលីសអាមេរិកបណ្តេញចេញមិនខានឡើយ ព្រោះប្រាក់ សុខុន ជាជនដែលជាប់ក្នុងបញ្ជីខ្មៅដែលសហរដ្ឋអាមេរិកហាមមិនឲ្យចូលស្រុកគេ លើកលែងតែទៅប្រជុំនៅ U.N. តែមួយគត់ដែលអាចទៅបានដោយសារទីស្នាក់ការ U.N. តាំងនៅលើដីអាមេរិក។ បន្ថែមពីលើនេះ វត្តមានរបស់ ប្រាក់ សុខុន ដែលតំណាងឲ្យរបបផ្តាច់ការ ហ៊ុន សែន ទៅប្រជុំមហាសន្និបាត U.N. លើកនេះត្រូវបានបងប្អូនខ្មែរជាច្រើនធ្វើបាតុកម្មប្រឆាំងយ៉ាងខ្លាំងក្លាបំផុតផងដែរ។
ក្នុងប្រវត្តិសាស្រ្តប្រទេសកម្ពុុជាមិនដែលមានរដ្ឋមន្រ្តីការបរទេសណាដែលជាប់ក្នុងបញ្ជីខ្មៅរបស់សហរដ្ឋអាមេរិកដូច ប្រាក់ សុខុន នេះទេ លើកលែងតែ អតីតរដ្ឋមន្រ្តីការបរទេសខែ្មរក្រហម អៀង សារី ចេញ ។ ពិតជាធ្វើឲ្យខូចខាតមុខមាត់ប្រទេសកម្ពុជាដ៏ធ្ងន់ធ្ងរមែន ។ ខ្មាសគេណាស់ ប្រាក់ សុខុន ចុះចេញពីតំណែងរដ្ឋមន្ត្រីការបរទេសទៅ ជនបំផ្លាញទ្រព្យសម្បត្តិជាតិ និងបំផ្លាញកិត្តិយសជាតិ ៕
No comments:
Post a Comment