ហុយៗ! លោកប៉ាង សុខឿន ហៅ "ខ្មែរ សុវណ្ណភូមិ" បានប្រកាសលើទំព័រហ្វេសប៊ុករបស់លោកត្រូវការDebate ផ្សាយផ្ទាល់នឹងកូនប្រុសច្បងទាំងពីររបស់លោកហ៊ុនសែន ឬកូនទាំងបីក៏បាន!
បន្ទាប់ពីលោកហ៊ុន សែន បានប្រកាសក្ដែងៗ ក្ដៅៗ ថ្មីៗថា "សមត្ថភាពអ្នកវិភាគ មិនបានស្មើកូនៗរបស់ខ្ញុំទេ" ដោយប្រភពព័ត៌មានពីវេបសាយថ្មីៗបានអោយដឹងថា ៖
លោកនាយករដ្ឋមន្ត្រី ហ៊ុន សែន បានស្នើឲ្យអ្នកវិភាគ សិក្សាពីរដ្ឋធម្មនុញ្ញឲ្យបានច្បាស់សិន មុននឹងបកស្រាយអ្វីមួយ ទាក់ទងច្បាប់ប្រទេសកម្ពុជា ។ ថ្លែងក្នុងពិធីបិទទ្វារទឹកទំនប់វារីអគ្គិសនីសេសានក្រោម២ អនុភាព 400MW ស្ថិតនៅលើក្នុងខេត្តស្ទឹងត្រែង នាព្រឹកថ្ងៃទី២៥ ខែកញ្ញានេះ លោក ហ៊ុន សែន បាននិយាយថា អ្នកវិភាគមួយចំនួន កំពុងបកស្រាយច្បាប់ ដោយរំលោភលើសិទ្ធិក្រុមប្រឹក្សាធម្មនុញ្ញ ហើយពួកគេខ្លះទៀត វិភាគដោយមិនទាន់បានយល់ច្បាស់ពីអ្វីទៅ ដែលហៅថា តួនាទីរបស់នាយករដ្ឋមន្ត្រី ដឹកនាំរដ្ឋាភិបាល និងតួនាទីរដ្ឋសភាផងដែរ ។
និយាយដល់ចំណុចនេះ លោកនាយករដ្ឋមន្ត្រី បានថ្លែងបែបចំអកដល់អ្នកវិភាគវិញថា « អស់លោក សមត្ថភាពប៉ិនលោក មិនបានស្មើនឹងកូនរបស់ខ្ញុំទេ។ បណ្ឌិតរបស់អស់លោក មិនបានស្មើកូនរបស់ខ្ញុំទេ ខ្ញុំសុំប្រដៅ។ អស់លោកពូកែហើយ តែលោកមិនមានបណ្ឌិតខាងយោធាទេ ខុសគ្នាកន្លែងនេះ…។ កុំមកលេងជាមួយ ហ៊ុន សែន ដែលជាឪពុកនោះ លេងត្រឹមតែកូនខ្ញុំ រើសទៅកូនប្រុស៣នាក់ រើសមួយណាក៏បានដែរ ខ្លួនលេងតទល់ទៅជាមួយកូនប្រុសរបស់ខ្ញុំ» ។
លោកប៉ាង សុខឿន ហៅ "ខ្មែរ សុវណ្ណភូមិ" ជាតារាល្បីល្បាញខាងវិភាគបញ្ហាសង្គម សេដ្ឋកិច្ច នយោបាយ កងទ័ព ប្រព័ន្ធគ្រប់គ្រងរដ្ឋការទូត ។ល។ នៅកម្ពុជា ជាអ្នកនយោបាយខ្មែរដែលបានភៀសខ្លួនទៅនៅរស់ក្រៅស្រុក និងជាអ្នកចែករំលែកព័ត៌មាន ចំណេះដឹងទស្សនៈនានាដ៏ឆ្នើម តាមរយៈបណ្ដាញទំនាក់ទំនងសង្គម(ហ្វេសប៊ុក-Facebook)។
ដោយលោកលោកប៉ាង សុខឿន ហៅ "ខ្មែរ សុវណ្ណភូមិ" បានសរសេរសារបង្ហោះតាមរយៈបណ្ដាញទំនាក់ទំនងសង្គម(ហ្វេសប៊ុក-Facebook)របស់លោកថា ត្រូវការអង្គុយជជែកដេញដោលគ្នាជាមួយនឹងកូនប្រុសច្បងទាំងពីររបស់លោកហ៊ុន សែន ឬកូនទាំងបីនាក់របស់លោកណាមួយក៏បាន ទាក់ទងនឹងប្រធានបទ សេដ្ឋកិច្ច នយោបាយ កងទ័ព ប្រព័ន្ធគ្រប់គ្រងរដ្ឋ ការទូត ។ល។ បរិបទស្រុកខ្មែរ ឬអឺរ៉ុប ក៏បាន ដោយការផ្សាយផ្ទាល់។ សាររបស់លោកប៉ាង សុខឿន ហៅ "ខ្មែរ សុវណ្ណភូមិ" មានយ៉ាងដូច្នេះថា ៖
ហ៊ានទេ?
ហ៊ុន សែន អួតសម្បើមណាស់អំពីកូនរបស់ខ្លួន។ ក្នុងន័យនេះ ខ្មែរ សុវណ្ណភូមិ ចង់ប្រកាសថា បើសិនជាកូន ហ៊ុន សែន ពិតជាខ្លាំងមែន ក្នុងចំណោមកូន ហ៊ុន សែន ទាំងបីនាក់នេះ អាចម្នាក់ណាក៏បាន ឬទាំងបីនាក់ក៏បាន មកអង្គុយជជែកដេញដោលគ្នាជាមួយ ខ្មែរ សុវណ្ណភូមិ រួចចាក់ផ្សាយ LIVE ឲ្យពលរដ្ឋខ្មែរបានស្តាប់ និងទស្សនាអំពីគំនិត និងចំណេះពួកយើងដោយតម្លាភាព និងជាក់ស្តែងទាក់ទងនឹងប្រធានបទ សេដ្ឋកិច្ច នយោបាយ កងទ័ព ប្រព័ន្ធគ្រប់គ្រងរដ្ឋ ការទូត ។ល។ បរិបទស្រុកខ្មែរ ឬអឺរ៉ុប ក៏បាន។
ខ្មែរ សុវណ្ណភូមិ នឹងរង់ចាំចម្លើយដោយក្តីរីករាយ និងសង្ឃឹមថាមានអ្នកក្លាហានទៅចុះ។ សូមបញ្ជាក់ថា ការប្រកាសនេះមិនចង់ឈ្នះចង់ចាញ់ ឬដេញជើងអ្វីទេ តែគ្រាន់ចង់ដឹងពីចំណេះពិតរបស់កូន ហ៊ុន សែន ដែលបានអួតប៉ុណ្ណោះ ដោយការវិនិច្ឆ័យត្រូវទុកឲ្យពលរដ្ឋខ្មែរ ឬអ្នកស្តាប់ជាអ្នកសម្រេចចុះ។
បញ្ជាក់៖ រឿងល្បិចថោកទាប កាប់ចាក់ លួចជាតិ និងសំលាប់ជាតិសាសន៍ខ្មែរដូចគ្នា ខ្មែរ សុវណ្ណភូមិ សុំមិនហ៊ានប្រកួតទេមិនថាក្នុងការលៈទេសៈណាក៏ដោយ តែបើរឿងចំណេះដឹង ខ្មែរ សុវណ្ណភូមិ មិនខ្លាចប្រកួតទេ ៕
ប្រភព ៖ ខ្មែរ សុវណ្ណភូមិ
No comments:
Post a Comment