លោកនាយករដ្ឋមន្ត្រី ហ៊ុន សែន ឬហៅថាបុរសខ្លាចនៃព្រះរាជអាណាចក្រកម្ពុជា យុគសម្បូររាជានិងសម្បូរផ្កាយរះ ព្រមានរំលាយគណបក្សសង្គ្រោះជាតិម្ដងហើយម្ដងទៀត ប្រភពពីអាស៊ីសេរីបានឱ្យដឹងថា៖ លោកហ៊ុន សែន ថាគ្មានឲ្យពេលបក្សប្រឆាំងដំណើរការទៀតទេបើនៅការពារលោក កឹម
សុខា
លោកនាយករដ្ឋមន្ត្រី ហ៊ុន សែន ព្រមានរំលាយគណបក្សសង្គ្រោះជាតិម្ដងទៀត នៅព្រឹកថ្ងៃទី១១ ខែកញ្ញា ក្នុងពិធីប្រគល់សញ្ញាប័ត្រដល់និស្សិតសាកលវិទ្យាល័យវិទ្យាសាស្ត្រសុខាភិបាល។
លោក ហ៊ុន សែន លើកឡើងថា ប្រសិនបើបក្សនយោបាយ បន្តរារាំង និងការពារជនក្បត់ជាតិនេះ មានន័យថា បក្សមួយនេះក្បត់ជាតិទៅហើយ ដូច្នេះគ្មានពេលវេលាដើម្បីទុកឲ្យបក្សនេះឲ្យដំណើរការ នៅក្នុងប្រជាធិបតេយ្យនៃកម្ពុជាតទៅទៀតទេ។
លោកបន្តថា កម្ពុជារំលាយបក្សនយោបាយមួយ នៅមានគឺមានគណបក្សនយោបាយច្រើនទៀត ដែលនឹងចូលរួមការបោះឆ្នោត។
ទន្ទឹមគ្នានេះ ប្រធានគណបក្សកាន់អំណាច ក៏បញ្ជាក់ដែរថា ការប្រជុំនៅរដ្ឋសភានៅព្រឹកនេះ មិនមែន ជាការប្រជុំដកអភ័យឯកសិទ្ធិទេ ដោយលោកអះអាងថា បទល្មើសជាក់ស្ដែងមិនតម្រូវឲ្យដកអភ័យឯកសិទ្ធិទេ គឺត្រូវដំណើរការដោយត្រូវចាប់ខ្លួនជាបន្ទាន់ រួចហើយរាយការណ៍អោយរដ្ឋសភា។ លោកបញ្ជាក់ទៀតថា ប្រសិនបើចង់ទប់ ឬផ្អាកដំណើរការក្តីនេះ គឺត្រូវទាមទារឲ្យមានសំឡេង ៣/៤ ទើបអាចទប់ ឬផ្អាកដំណើរការក្ដីបាន។
ទោះយ៉ាងណាក្ដី គណបក្សសង្គ្រោះជាតិ បានចាត់ទុកការ ប្រជុំវិសាមញ្ញរដ្ឋសភានៅថ្ងៃទី១១ ខែកញ្ញា របស់សមាជិកសភាបក្សកាន់អំណាច ដើម្បីផ្ដល់សិទ្ធិឲ្យអាជ្ញាធរបន្តចោទប្រកាន់ឃាត់ខ្លួន និងឃុំខ្លួនលោក កឹម សុខា ជាទង្វើខុសច្បាប់។ បក្សប្រឆាំង ក៏នៅតែបន្តថ្កោលទោស និងទាមទារឲ្យដោះលែងលោក កឹម សុខា ជាបន្ទាន់ ព្រមទាំងអះអាងថា លោក កឹម សុខា នៅតែជាប្រធានគណបក្សសង្គ្រោះជាតិដដែល។
តំណាងរាស្ត្រគណបក្សសង្គ្រោះជាតិ ក៏ថែមទាំងនាំគ្នាជួបជុំថ្លែងសារនៅមុខពន្ធនាគារត្រពាំងផ្លុង ខេត្តត្បូងឃ្មុំនៅព្រឹកថ្ងៃទី១១ ខែកញ្ញានេះ ទីដែលលោក កឹម សុខា កំពុងជាប់ឃុំ ក្រោយសមត្ថកិច្ចចាប់ខ្លួនភ្លាមៗទាំងកណ្ដាលអធ្រាត្រឈានចូលថ្ងៃទី៣ កញ្ញា។
ការចាប់ខ្លួនមេបក្សប្រឆាំងទាំងគ្មានដីកាអនុញ្ញាតពីតុលាការទៀតនោះ ក៏បានធ្វើអោយមេដឹកនាំប្រទេសលោកសេរី ជុំវិញពិភពលោកភ្ញាក់ផ្អើលយ៉ាងខ្លាំង និងថ្កោលទោសការចាប់ខ្លួននោះ៕
ប្រភព ៖ វិទ្យុអាស៊ីសេរី
No comments:
Post a Comment