បុរសខ្លាំង ហ៊ុន សែន នៃអាណាចក្រសម្បូររាជានិងសំបូរផ្កាយរះ ឱ្យអាមេរិកបកស្រាយរឿងបង្រៀនលោក កឹម សុខា ផ្ដួលរំលំរបបដឹកនាំរបស់លោក !!
លោកនាយករដ្ឋមន្ត្រី ហ៊ុន សែន ថ្លែងសារខ្លាំងៗនៅមុខកម្មកររោងចក្រជាច្រើនរយនាក់ នៅថ្ងៃទី១៥ កញ្ញា ដោយទាមទារឲ្យសហរដ្ឋអាមេរិកបកស្រាយរឿងអាមេរិកបង្រៀនមេដឹកនាំបក្សប្រឆាំងលោក កឹម សុខា មកផ្ដួលរំលំរបបដឹកនាំរបស់លោកដោយយកគំរូនៅប្រទេសយូហ្គោស្លាវី (Yugoslavia) និងស៊ែបី (Serbia)។
លោក ហ៊ុន សែន ថា រដ្ឋបាលអាមេរិក៤ជំនាន់ចុងក្រោយនេះ មិនអាចគេចពីការទទួលខុសត្រូវដោយមិនបកស្រាយករណីនេះទេ។ លោកថា លោក កឹម សុខា និយាយទទួលស្គាល់ខ្លួនឯងថា បានទទួលការបណ្ដុះបណ្ដាលពីអាមេរិក ដើម្បីធ្វើការផ្លាស់ប្ដូរនៅកម្ពុជា៖ «តើកឹម សុខា និយាយពិត ឬភូត?»។
បន្ថែមពីនេះលោក ហ៊ុន សែន សួរទៅអគ្គរដ្ឋទូតអាមេរិកប្រចាំកម្ពុជា ថា៖ «តើគិតដូចម្ដេចបានជាប្រាប់ពលរដ្ឋខ្លួនអោយប្រុងប្រយ័ត្នពីសុវត្ថិភាពនៅកម្ពុជា? តើអាមេរិកដឹងថាមានការវាយប្រហារដោយភេរវកម្មនៅកម្ពុជា ឬអាមេរិកចង់វាយមីស៊ីលមកកម្ពុជា? បើអាមេរិកដឹងព័ត៌មានពីភេរវកម្មនៅកម្ពុជាមែន សូមឲ្យអាមេរិកប្រាប់មក ក្នុងនាមជាដៃគូរប្រឆាំងភេរវកម្ម»។
លោក ហ៊ុន សែន ក៏ប្រាប់ទៅអគ្គរដ្ឋទូតអាមេរិកប្រចាំកម្ពុជា កុំតាំងខ្លួនជាឪម៉ែរបស់កម្ពុជា ហើយលោកអំពាវនាវអោយពលរដ្ឋខ្មែរក្រោកឈរឡើង ដោយប្រកាន់ជាតិនិយមប្រឆាំងការជ្រៀតជ្រែកពីបរទេសដើម្បីការពារឯករាជ្យ និងសេរីភាព និងអធិបតេយ្យរបស់ខ្លួន។ លោក ហ៊ុន សែន រំលឹកថា លោកមិនចង់ឲ្យប្រវត្តិសាស្ត្រឆ្នាំ១៩៦៥ ដែលពលរដ្ឋខ្មែរតវ៉ាប្រឆាំងអាមេរិកកើតឡើងវិញទេ។
អាជ្ញាធររដ្ឋាភិបាលរបស់លោក ហ៊ុន សែន បានចាប់ខ្លួនលោក កឹម សុខា ទាំងយប់រំលងអធ្រាត្រចូលថ្ងៃទី៣ ខែ កញ្ញា ហើយចោទប្រកាន់ជាផ្លូវការពីបទឃុបឃិតជាមួយបរទេស ក្នុងអំពើក្បត់ជាតិ ដែលលោក ហ៊ុន សែន ចោទអាមេរិកថានៅពីក្រោយខ្នង បន្ទាប់ពីសារព័ត៌មានគាំទ្ររដ្ឋាភិបាលបញ្ចេញវីដេអូលោក កឹម សុខា ថ្លែងនៅប្រទេសអូស្ត្រាលី(Australia) កាលពីឆ្នាំ២០១៣។
ប្រភព ៖ វិទ្យុអាស៊ីសេរី
**ចូរមើលព្រឹត្តិការណ៍ថ្មីៗទាក់ទងរឿងនេះ តើសហរដ្ឋអាមេរិក ចាំបាច់បកស្រាយរឿងនេះ ជូនបុរសខ្លាច ហ៊ុន សែន នៃអាណាចក្រសម្បូររាជានិងសំបូរផ្កាយរះ ដែរទេ??
No comments:
Post a Comment