លោក ផៃ ស៊ីផាន៖ ការវាយបាក់ធ្មេញ ក្បាលនឹងគល់ឫស្សី ឬមឈូស ជាភាសាសាមញ្ញពាក្យរបស់ឥស្សរជន (ជាភាសាសាមញ្ញពាក្យរបស់ឥស្សរជនមែនហ្នឹង តែជាឥស្សរជនព្រៃយង់ឃ្នងគ្មានអរិយធម៌LOL)

លោក ផៃ ស៊ីផាន៖ ការវាយបាក់ធ្មេញ ក្បាលនឹងគល់ឫស្សី ឬមឈូស ជាភាសាសាមញ្ញពាក្យរបស់ឥស្សរជន (ជាភាសាសាមញ្ញពាក្យរបស់ឥស្សរជនមែនហ្នឹង តែជាឥស្សរជនព្រៃយង់ឃ្នងគ្មានអរិយធម៌LOL)

អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បាននិយាយថា ការប្រើពាក្យសម្តីរបស់លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ ដែលគំរាមវាយ«បាក់ធ្មេញ»និងការគំរាមវាយនឹងគល់ប្ញស្សីទៅលើអ្នកតវ៉ានឹងលទ្ឋផលនៃការបោះឆ្នោតជ្រើសតាំងតំណាងរាស្ត្រអាណត្តិទី៦ឆ្នាំ២០១៨ខាងមុខពីសំណាក់លោករដ្ឋមន្ត្រីក្រសួងសង្គមកិច្ច វង សូតនោះ ថាជាភាសាសាមញ្ញ ។

នៅលើបណ្តាញទំនាក់ទំនងសង្គមហ្វេសប៊ុក ដែលបង្ហោះនៅថ្ងៃទី០៩ ខែសីហា ឆ្នាំ២០១៧ លោក ផៃ ស៊ីផាន បានបកស្រាយថា ដោយសារអ្នកមាននិន្នាការ មិនស្របរាជរដ្ឋាភិបាល ក៏ដូចជាអ្នកតាំងខ្លួន ជាអ្នកវិភាគនយោបាយ ដែលមានចរិតតតាំងជាមួយសម្តេចតេជោ ហ៊ុន សែន ដោយយកពាក្យពេចន៍របស់សម្តេច ក៏ដូចជាថ្នាក់ដឹកនាំជាន់ខ្ពស់មកបំភ្លៃ ដោយអ្នកទាំងនោះ កែច្នៃ លាបពណ៌ ធ្វើឲ្យសាធារណជនយល់ច្រឡំ និងមានការភិតភ័យ។

លោកថា រាប់ទាំងមន្ត្រីអង្គការសហប្រជាជាតិ ក៏យល់ខុស វង្វេង តាមអ្នកបកប្រែ ដែលមាននិន្នាការនៃបណ្តាអ្នកសារព័ត៌មានតតាំងមួយចំនួន រឹតតែបង្កើតឲ្យមានស្ថានការណ៍អាក្រក់ ដែលអាចចាត់ទុកថា ជាយុទ្ធនាការ ធ្វើឲ្យមតិសាធារណៈ មើលឃើញកម្ពុជាអាក្រក់។

អ្នកនាំពាក្យរូបនេះបានបញ្ជាក់បន្ថែមទៀតថា ការប្រើប្រាស់ពាក្យរបស់ឥស្សរជនដូចជា បាក់ធ្មេញ គល់ឫស្សី ឬ មឈូ ជាដើមនោះ គឺជាភាសាសាមញ្ញតែប៉ុណ្ណោះ ដែលប្រជាពលរដ្ឋខ្មែរ ប្រើប្រាស់គ្រប់ស្រទាប់ នៃជីវិត ដែលមិនគួរបំភ្លៃ ញុះញង់ ចោទប្រកាន់នោះទេ ។

លោក ផៃ ស៊ីផាន សង្កត់ធ្ងន់ថាពាក្យទាំងអស់នេះ ជាពាក្យសាមញ្ញ ក្នុងកិច្ច “ព្រមាន” ប្រាប់ ឬរំឮកឲ្យដឹងជាមុនក្នុងកិច្ចបញ្ចៀស នៅក្នុងការប្រព្រឹត្តល្មើស ដែលស្មើ នឹងពាក្យអង់គ្លេស “ Warning” ។ ពាក្យដែលបានប្រើប្រាស់ទាំងអស់នោះ ពុំមានន័យ ឬបំណង ក្នុងការបំភិតបំភ័យនោះឡើយ ៕