ប្រធានគណៈកម្មាធិការសិទ្ធិមនុស្សកម្ពុជាលោក កែវ រ៉េមី ថា លោកនាយករដ្ឋមន្ត្រី ហ៊ុន សែន មានស្នាដៃស្មើ មេឃខាងការពារសិទ្ធិមនុស្ស។
លោក កែវ រ៉េមី ថ្លែងដូចនេះក្នុងសន្និសីទសារព័ត៌មាននៅព្រឹកថ្ងៃទី២៧ មីនា ជាការឆ្លើយតបនឹងរបាយការណ៍របស់សមាជិកសភាអាស៊ានដើម្បីសិទ្ធិមនុស្ស (APHR) កាលពីថ្ងៃទី២០ ខែមីនា ដែលរិះគន់ការដឹកនាំរបស់លោក ហ៊ុន សែន ដោយបង្កើតឲ្យមាន “បរិយាកាសភ័យខ្លាច” ដូចជាការបង្ក្រាបសកម្មជន និងគណបក្សប្រឆាំង ស្របពេលដែលការបោះឆ្នោតឃុំ-សង្កាត់កាន់តែខិតចូលមកដល់។
របាយការណ៍នេះត្រូវបានផ្សព្វផ្សាយបន្ទាប់ពីក្រុមសមាជិកសភាអាស៊ានដើម្បីសិទ្ធិមនុស្សមួយក្រុមដែលរួមមានសមាជិកសភាមកពីប្រទេសម៉ាឡេស៊ី និងសមាជិកសភាហ្វីលីពីន ផង បញ្ចប់បេសកកម្មស្វែងរកការពិតមួយនៅប្រទេសកម្ពុជា។ របាយការណ៍នេះចងក្រង និងវិភាគលើរលកវាយប្រហារសមាជិកសភាកាលពីពេលកន្លងទៅ រួមទាំងការធ្វើទុក្ខបុកម្នេញតាមផ្លូវតុលាការ ការរំលោភនីតិវិធីជុំវិញអភ័យឯកសិទ្ធិសភា និងការរំលោភបំពានលើរូបរាងកាយ។
លោក កែវ រ៉េមី បន្តថា បរទេសគួរផ្ដល់មេដាយសរសើរដល់លោក ហ៊ុន សែន ដែលមានស្នាដៃធំធេងផ្នែកការពារសិទ្ធិមនុស្សនៅកម្ពុជា និងមិនគួរត្រូវបានស្ដីបន្ទោសបែបនេះទេ។
ប្រធានគណៈកម្មាធិការសិទ្ធិមនុស្សកម្ពុជាលោក កែវ រ៉េមី (រូបកណ្ដាល) ថ្លែងក្នុងសន្និសីទសារព័ត៌មាននៅព្រឹកថ្ងៃទី២៧ ខែមីនា ឆ្នាំ២០១៧។ RFA/Cheu Sideth
loading...
ប្រភព : វិទ្យុអាស៊ីសេរី
No comments:
Post a Comment