រមណីយដ្ឋានទឹកធ្លាក់ច្រកល្អៀងដ៏ពេញនិយមនៅខេត្តពោធិ៍សាត់ បានឆក់យកជីវិតយុវជនម្នាក់

Thaing Sokhom៖ នេះជាយុវជនទី2ហើយដែលបានស្លាប់ បន្ទាប់ពីក្មេងឥស្លាមស្ពានពីរបានលង់ទឹកស្លាប់កាលពីប៉ុន្មានឆ្នាំមុន គួរតែដាក់តេអឹនតេ(TNT)កំទេចរូងនោះ​ ខ្ញុំចាំរូងនោះមួយជីវិត ពីព្រោះខ្ញុំប៊ិះស្លាប់នៅទីនោះដែរ។

សាកសពជនរងគ្រោះឈ្មោះ ងួន ចំរើន អាយុ២៨ ឆ្នាំ ជនជាតិខ្មែរ នៅសង្កាត់បឹងកក់២ ខ័ណ្ឌទួលគក រាជធានីភ្នំពេញ ដែលមកលេងរមនីយដ្ឋានទឹកធ្លាក់ច្រកល្អៀង ហើយបានរអិលជើងធ្លាក់ចូលទៅក្នុងអន្លុង តំណាក់ជ្រៃក្រឹម បណ្តាលឲ្យលង់ទឹកស្លាប់កាលពីថ្ងៃទី ១៩ ខែមិថុនា​ ឆ្នាំ២០១៧ វេលាម៉ោង ១២ និង១០ នាទីថ្ងៃ បាត់រកមិនឃើញ។

​​​ រហូតលុះមកដល់ថ្ងៃទី២០ ខែមិថុនា​ ឆ្នាំ២០១៧​​ នៅវេលាម៉ោង៩ និង១០នាទីព្រឹក សមត្ថកិច្ចយើង ព្រមទាំងក្រុមគ្រួសារជន​រងគ្រោះ និងប្រជាពលរដ្ឋ ជួយគ្នាស្វះស្វែងរកសាកសព ក៏បានរកឃើញហើយ ដោយសាកសពបានអណ្តែតឡើង ហើយបាននាំគ្នាស្រង់ពីក្នុងទឹក និងធ្វើកំណត់ហេតុ ពិ​និត្យសាកសពរួចហើយ ក៏ប្រគល់សាកសពជូនក្រុមគ្រួសាររបស់ជនរងគ្រោះ តាមបញ្ជារបស់លោកព្រះរាជអាជ្ញាអមសាលាដំបូងខេត្តពោធិ៍សាត់ ចុះថ្ងៃទី២០ ខែមិថុនា​ ឆ្នាំ២០១៧ នៅវេលាម៉ោង៩ និង ៣៦នាទីព្រឹក​ ដើម្បីយកទៅធ្វើបុណ្យតាមប្រពៃណីខ្មែរ៕

ប្រភព : Thaing Sokhom